எட்ஜ்பாஸ்டன்: பாகிஸ்தானுக்கு எதிரான மகளிர் டி20 உலகக் கோப்பை போட்டியில் விளையாடிய இந்திய அணியின் கேப்டன் ஹர்மன்பிரீத் கவுர், மகளிர் டி20 உலகக் கோப்பை வரலாற்றில் இந்தியாவின் அதிக ரன்கள் குவித்த வீராங்கனை என்ற புதிய சாதனையைப் படைத்துள்ளார். இப்போட்டிக்கு முன்னதாக முன்னாள் கேப்டன் மிதாலி ராஜுடன் இணைந்து 726 ரன்களுடன் முதலிடத்தில் இருந்த அவர், தான் எதிர்கொண்ட முதல் பந்திலேயே அவரை முந்தி புதிய மைல்கல்லை எட்டினார்.
இப்போட்டியில் இந்திய அணி தொடக்கத்திலேயே ஷஃபாலி வர்மா மற்றும் ஜெமிமா ரோட்ரிக்ஸ் ஆகியோரின் விக்கெட்டுகளை முதல் 20 பந்துகளுக்குள் இழந்ததால், நான்காவது வரிசை பேட்டரான ஹர்மன்பிரீத் கவுர் விரைவாக களமிறங்க வேண்டியதாயிற்று.
தொடக்க வீராங்கனையான ஷஃபாலி வர்மா 6 ரன்களில் ஆட்டமிழந்தார். இடதுகை சுழற்பந்து வீச்சாளர் சாடியா இக்பாலின் பந்தில் ஒரு சிக்ஸர் அடித்த அடுத்த பந்திலேயே, ஸ்டம்பை நோக்கி வந்த பந்தை எதிர்கொள்ள முடியாமல் விக்கெட் கீப்பர் முனீபா அலியிடம் கேட்ச் கொடுத்து அவர் ஆட்டமிழந்தார்.
IND Vs AFG: அம்மா தான் எல்லாம்.. செய்தியாளர் சந்திப்பை தாய் போனுக்காக நிறுத்திய நிதிஷ் குமார் ரெட்டி
மற்றொரு பேட்டரான ஜெமிமா ரோட்ரிக்ஸ் 1 ரன் மட்டுமே எடுத்து ஏமாற்றமளித்தார். இடதுகை வேகப்பந்து வீச்சாளர் தஸ்மியா ருபாப் வீசிய பந்தை தூக்கி அடிக்க முயன்று, டைமிங் சரியாக அமையாததால் நடாலியா பெர்வைஸிடம் எளிய கேட்ச் கொடுத்து ஆட்டமிழந்தார்.
ஹர்மன்பிரீத் கவுர் எதிர்கொண்ட முதல் பந்து லெக் ஸ்டம்பை நோக்கி வீசப்பட்ட ஃபுல்-டாஸ் பந்தாக அமைந்தது, அதை அவர் எளிதாக லெக் திசையில் தட்டிவிட்டு ஒரு ரன் ஓடி இந்த சாதனையைப் படைத்தார்.மகளிர் டி20 உலகக் கோப்பையில் இந்தியாவின் அதிகபட்ச ரன் குவிப்பாளர்கள் பட்டியலில் ஹர்மன்பிரீத் கவுர் 34 இன்னிங்ஸ்களில் 732 ரன்களுடன் தற்போது முதலிடத்தில் உள்ளார். இதில் ஒரு சதமும் 4 அரைசதங்களும் அடங்கும்.
மகளிர் டி20 உலகக்கோப்பை: பாகிஸ்தானுக்கு எதிராக அதிரடி காட்டிய இந்தியா… ரிச்சா கோஷ் கொடுத்த ட்விஸ்ட்!
அவருக்கு அடுத்தபடியாக முன்னாள் கேப்டன் மிதாலி ராஜ் 23 இன்னிங்ஸ்களில் 726 ரன்களுடன் இரண்டாவது இடத்திலும், நட்சத்திர வீராங்கனை ஸ்மிருதி மந்தனா 26 இன்னிங்ஸ்களில் 550 ரன்களுடன் மூன்றாவது இடத்திலும் உள்ளனர். ஜெமிமா ரோட்ரிக்ஸ் (408 ரன்கள்), பூனம் ராவத் (375 ரன்கள்), ஷஃபாலி வர்மா (368 ரன்கள்), தீப்தி சர்மா (218 ரன்கள்) மற்றும் ரிச்சா கோஷ் (187 ரன்கள்) ஆகியோர் அடுத்தடுத்த இடங்களில் உள்ளனர் என்பது குறிப்பிடத்தக்கது.
