சென்னை: சென்னை சூப்பர் கிங்ஸ் அணியின் சில வியூகங்கள் குறித்து முன்னாள் இந்திய கிரிக்கெட் அணியின் பேட்ஸ்மேன் சுப்பிரமணியம் பத்ரிநாத் கேள்வியெழுப்பினார். மே 10 அன்று லக்னோ சூப்பர் ஜெயன்ட்ஸுக்கு எதிரான போட்டியில் சிஎஸ்கே வென்றிருந்தாலும், ஷிவம் துபேவை களத்தில் தொடர்ந்து பயன்படுத்தியது குறித்து அவர் தனது யூடியூப் சேனலில் கருத்து தெரிவித்தார்.
அந்தப் போட்டியில் சிஎஸ்கே ஐந்து சிறப்பு பந்துவீச்சாளர்களை மட்டுமே பயன்படுத்தியது. லக்னோ அணி 20 ஓவர்களில் 203/8 ரன்களைக் குவித்து அபாரமான இலக்கை நிர்ணயித்தது. துபே, களத்தில் இருந்தபோதிலும், லக்னோவின் பெரும்பாலான பேட்டிங்கின்போது ஒரு ஓவர் கூட வீசவில்லை. இந்த சீசனில் ஆல்ரவுண்டரான துபே, பல முக்கிய கேட்ச்களைக் கைவிட்டு, களத்தில் தடுமாறியது குறிப்பிடத்தக்கது.
துபேயின் களப் பணி குறித்து பேசிய பத்ரிநாத், “சிஎஸ்கே பந்துவீசும்போது குர்ஜப்நீத் சிங் களத்தில் இருந்திருக்க வேண்டும். அவர் இருந்திருந்தால், அகீல் ஹொசைன் அல்லது முகேஷ் சவுத்ரிக்கு ஒரு ஓவர் கம்மியாகக் கொடுத்திருக்கலாம். துபே பந்துவீசாதபோது, அவர் ஏன் களத்தில் இருக்கிறார்? குர்ஜப்நீத் கை திருப்பும் மெதுவான பந்துகளை பயனுள்ளதாக வீசக்கூடியவர். ஆனால், அவர்கள் பிரசாந்த் வீரர் என்ற மற்றொரு பேட்ஸ்மேனை விரும்பியதால், துபேவை 11 பேரில் விளையாடப்பட்டது” என்று கூறினார்.
IPL 2026: டெல்லி அணி திரில் வெற்றி.. பஞ்சாப் கிங்ஸ்க்கு மீண்டும் தோல்வி..சூடு பிடித்த டாப் 4 பந்தயம்
மேலும், பத்ரிநாத் இளம் கார்த்திக் ஷர்மாவை தேவால்ட் பிரெவிஸ் மற்றும் துபேவுக்கு முன்னதாக பேட்டிங் வரிசையில் அனுப்பிய சிஎஸ்கேவின் முடிவையும் கேள்விக்குள்ளாக்கினார். அவர் சொன்னார், "கார்த்திக் ஷர்மா இப்படிச் செய்வது இது முதல் முறையல்ல. 150 ரன்கள் சேசிங்கிற்கு அவர் பரவாயில்லை.
ஆனால் 200 ரன்களுக்கு மேல் சேஸ் செய்யும்போது, அவர் நான்காவது இடத்தில் பேட்டிங் செய்யவே கூடாது. சிஎஸ்கே ஏன் இந்த அழுத்தத்தை தங்களுக்குள் ஏற்படுத்திக் கொள்கிறது? போட்டியை முன்னதாக முடிக்க பிரெவிஸ் அல்லது துபேவை ஏன் அனுப்பக்கூடாது? கார்த்திக் ஷர்மாவை அனுப்பி அவர் இறுதிவரை கொண்டு செல்ல வேண்டும் என நிர்வாகம் ஏன் நம்புகிறது என்பது எனக்குப் புரியவில்லை” என்றார்.
கார்த்திக் தனது இன்னிங்ஸ் முழுவதும் தடுமாறி, சிஎஸ்கேயின் ரன் சேசிங்கில் ஒரு முக்கியமான தருணத்தில் 20 பந்துகளில் 20 ரன்கள் எடுத்து ஆட்டமிழந்தார். ஆனால், ஆச்சரியப்படும் விதமாக, ஆறாவது இடத்தில் களமிறங்கிய துபே, கடைசி ஓவரில் அடுத்தடுத்த சிக்சர்கள் அடித்து சிஎஸ்கே-வை வெற்றிபெறச் செய்தார்.
"இப்படி ஒரு இன்னிங்ஸை நான் பார்த்ததில்லை" என்ற பத்ரிநாத் சிஎஸ்கேயின் மூன்றாவது இட பேட்ஸ்மேன் உர்வில் பட்டேலை, லக்னோவுக்கு எதிரான போட்டியில் அடித்த அவரது அசாதாரண அரை சதத்திற்காகப் பாராட்டினார்.
இந்த இளம் வலது கை வீரர், 23 பந்துகளில் 8 சிக்சர்கள் மற்றும் 2 பவுண்டரிகளை விளாசி 65 ரன்கள் குவித்து, சிஎஸ்கே-வின் ரன் சேசிங்குக்கு உத்வேகம் அளித்தார். உர்வில் வெறும் 13 பந்துகளில் தனது அரை சதத்தை எட்டி, ஐபிஎல் வரலாற்றில் மிக விரைவான அரை சதங்களில் ஒன்றாகப் பதிவானது.
IPL 2026: அடுத்தடுத்து 2 விக்கெட் வீழ்த்திய ஸ்டார்க்.. ஹாட்ரிக் பந்தில் 100 மீட்டர் தூரம் சிக்சர்
இது குறித்து பேசிய பத்ரிநாத் , “இப்படி ஒரு இன்னிங்ஸை நான் பார்த்ததில்லை, குறிப்பாக அவரது முதல் எட்டு பந்துகள். முதல் எட்டு பந்துகளில் அவர் கிட்டத்தட்ட ஒரு பந்துக்கு ஒரு சிக்ஸ் அடித்து 8 பந்துகளில் 41 ரன்கள் எடுத்தார். இந்த சீசனில் சிஎஸ்கேயின் திட்டங்கள் எதுவும் சரியாக அமையவில்லை. உர்வில் ஒருபோதும் சிஎஸ்கேயின் முதல் திட்டத்தில் இல்லாதபோதும், சிறப்பாகச் செயல்பட்டு வருகிறார்” என்று புகழாரம் சூட்டினார்.லக்னோவுக்கு எதிரான உர்வில்லின் சிறப்பான ஆட்டம், சிஎஸ்கே தொடர்ந்து மூன்றாவது வெற்றியைப் பெற உதவியதுடன், பிளேஆஃப் சுற்றுக்கு முன்னேறும் வாய்ப்பையும் தக்கவைத்துள்ளது.
