மும்பை: ஒருநாள் கிரிக்கெட் வரலாற்றில் இந்திய அணிக்கு பல சிறந்த கேப்டன்கள் கிடைத்துள்ளனர், அவர்கள் பலமுறை போட்டியை வெல்லும் இன்னிங்ஸ்களை விளையாடியுள்ளனர். இந்திய வீரர்களின் ஒட்டுமொத்த அதிவேக ஒருநாள் சதங்கள் அடித்த இந்திய கேப்டன்கள் குறித்து தற்போது காணலாம், . குறிப்பாக 2011 ஒருநாள் உலகக் கோப்பை வெற்றிக்குப் பிறகு இந்த சாதனைகள் அனைத்தும் படைக்கப்பட்டுள்ளன.
டெல்லியில் ஆப்கானிஸ்தானுக்கு எதிரான 2023 ஒருநாள் உலகக் கோப்பை லீக் ஆட்டத்தின் போது, ரோஹித் சர்மா பேட்டிங்கில் அதிரடி காட்டி, ஒருநாள் போட்டிகளில் இந்திய கேப்டனாக அதிவேக சதம் அடித்த சாதனையைப் படைத்தார். இது அவரது ஒட்டுமொத்த ஒருநாள் கேரியரிலும் அதிவேக சதமாக அமைந்தது. இப்போட்டியில் அவர் வெறும் 84 பந்துகளில் 131 ரன்கள் குவித்து, இந்தியா 273 ரன்கள் என்ற இலக்கை 15 ஓவர்கள் மீதமிருந்த நிலையிலேயே எட்ட உதவினார்.
ரோஹித் சர்மாவின் இந்த அதிரடி இன்னிங்ஸில் 30 பந்துகளில் விளாசிய அரைசதம் மற்றும் மொத்தம் 21 பவுண்டரிகள் அடங்கும். அவரது ஸ்டிரைக் ரேட் 155.95 ஆக இருந்தது. அந்த நேரத்தில், ஒருநாள் உலகக் கோப்பையில் இந்திய வீரர் ஒருவர் அடித்த அதிவேக சதமாகவும் இது சாதனை படைத்தது. எனினும், இதே தொடரில் நெதர்லாந்துக்கு எதிரான போட்டியில் கே.எல்.ராகுல் ஒரு பந்து குறைவாக எடுத்து இந்த சாதனையை முறியடித்தார்.
எம்.எஸ். தோனிக்கு ஓய்வு அளிக்கப்பட்டதால் தற்காலிக கேப்டனாக செயல்பட்ட வீரேந்திர சேவாக், இந்தூரில் நடைபெற்ற நான்காவது ஒருநாள் போட்டியில் மறக்க முடியாத இரட்டை சதத்தை விளாசினார். இந்த வரலாற்று இன்னிங்ஸின் போது, அவர் வெறும் 69 பந்துகளில் தனது சதத்தை எட்டினார். இதுவே அந்த நேரத்தில் ஒருநாள் போட்டிகளில் இந்திய கேப்டன் ஒருவர் அடித்த அதிவேக சதமாக இருந்தது.
2027 உலககோப்பை தொடர்: இந்திய அணி பிளேயிங் லெவன் என்ன? EX. வீரர்கள் கணிப்பு
அவர் தனது முதல் 50 ரன்களை 41 பந்துகளில் கடந்தார், ஆனால் அடுத்த 50 ரன்களை வெறும் 18 பந்துகளில் விளாசி சாதனை படைத்தார். இந்த அதிரடி பேட்டர் இறுதியில் 149 பந்துகளில் 32 பவுண்டரிகளுடன் 219 ரன்கள் குவித்து வரலாற்று சாதனையை நிகழ்த்தினார். அவரது ஸ்டிரைக் ரேட் 146.97 ஆக இருந்தது.
இந்திய வீரர்களில் ஒருநாள் போட்டியில் அதிவேக சதம் அடித்த சாதனையை தன் வசம் வைத்துள்ள விராட் கோலி, இந்திய கேப்டன்களின் அதிவேக ஒருநாள் சதங்கள் பட்டியலிலும் இடம் பிடித்துள்ளார்.2017ஆம் ஆண்டு இலங்கைக்கு எதிரான நான்காவது ஒருநாள் போட்டியில், இந்திய அணி ஏற்கனவே தொடரை வென்றிருந்த நிலையில், விராட் கோலி தனது அதிரடி ஆட்டத்தை வெளிப்படுத்தினார். இப்போட்டியில் ரோஹித் சர்மாவுடன் இணைந்து விராட் கோலி மிகப்பெரிய பார்ட்னர்ஷிப் அமைத்தார். ரோஹித் சர்மாவும் அந்த போட்டியில் சதம் அடித்தார். அப்போதைய கேப்டனான விராட் கோலி வெறும் 76 பந்துகளில் தனது சதத்தை எட்டினார். பிறகு அவர் 96 பந்துகளில் 131 ரன்கள் குவித்து அசத்தினார், இதனால் இந்திய அணி 5 விக்கெட் இழப்புக்கு 375 ரன்கள் குவித்தது.
ரோஹித் சர்மா இப்பட்டியலில் இரண்டாவது முறையாக இடம் பெறுகிறார். கேப்டனாக அணியை வழிநடத்திய போது விராட் கோலியின் சாதனையைச் சமன் செய்து 76 பந்துகளில் சதம் விளாசினார். 2025ஆம் ஆண்டு கேப்டனாக அவர் விளையாடிய கடைசி இருதரப்பு தொடராக அமைந்த இதில், நாக்பூரில் நடந்த முதல் போட்டியில் 2 ரன்னில் ஆட்டமிழந்த ரோஹித் சர்மா, இரண்டாவது போட்டியில் அதற்கு வலுவான பதிலடி கொடுத்தார்.
305 ரன்கள் என்ற இலக்கை நோக்கி களமிறங்கிய இந்திய அணிக்கு, கேப்டன் ரோஹித் சர்மா முன்னின்று வழிநடத்தினார். சுப்மன் கில்லுடன் இணைந்து தொடக்க விக்கெட்டுக்கு 136 ரன்கள் சேர்த்தார். கேப்டன் ரோஹித் 30 பந்துகளில் அரைசதம் கடந்து எதிரணிக்கு நெருக்கடி கொடுத்தார். மொத்தம் 90 பந்துகளில் 119 ரன்கள் எடுத்தார். அவர் ஆட்டமிழக்கும் போது, இந்தியாவின் வெற்றிக்கு 7 விக்கெட்டுகள் கைவசம் உள்ள நிலையில் 100 ரன்களுக்கும் குறைவாகவே தேவைப்பட்டது.
இந்திய ஒருநாள் அணியின் கேப்டனாக தனது முதல் சதத்தை அடித்ததன் மூலம் சுப்மன் கில் இந்த புகழ்பெற்ற பட்டியலில் இணைந்துள்ளார். விராட் கோலி இல்லாததால் 3-வது வரிசையில் களமிறங்கிய கில், இரண்டாவது ஓவரிலேயே யஷஸ்வி ஜெய்ஸ்வால் ஆட்டமிழந்ததால் சீக்கிரமாகவே களத்திற்கு வர வேண்டியதாயிற்று.
IND vs AFG: இரட்டை சதம் அடிக்க வேண்டும் என்று இலக்கு வைத்தேன்.. இந்திய அணி கேப்டன் சுப்மன் கில்
தர்மசாலாவில் நடந்த முந்தைய போட்டியில் ஆட்டமிழக்காமல் அரைசதம் அடித்திருந்த கில், அந்த பார்மை இப்போட்டியிலும் தொடர்ந்தார். வெயில் மற்றும் தசைப்பிடிப்பு ஆகியவற்றைக் கடந்து போராடிய அவர், வெறும் 77 பந்துகளில் தனது சதத்தை கடந்தார். இறுதியில் 110 பந்துகளில் 154 ரன்கள் குவித்து அசத்தினார். இதனால் இந்திய அணி பல ஓவர்கள் மீதமிருந்த நிலையிலேயே 350 ரன்களைக் கடந்து அபார வெற்றி பெற்றது.
