உக்ரைன் இதுவரை நடக்காத ஒரு பெரும் ட்ரோன் தாக்குதலை ரஷ்யா மீது ஏவியுள்ள நிலையில், குறித்த நகரத்தில் இருந்த எண்ணெய் சுத்திகரிப்பு ஆலை பெரும் வெடிப்பு சத்தத்தோடு பற்றி எரிகிறது. மேலும் பல ட்ரோன்கள் இந்த நகரை குறிவைத்துள்ள நிலையில், இந்நகரில் உள்ள மக்களை பாதுகாப்பான ஒரு இடத்திற்கு செல்லுமாறு ரஷ்ய ராணுவம் கட்டளை பிறப்பித்து அந்நகர மக்கள் மொத்தமாக இருப்பிடங்களை காலிசெய்துள்ளதாக சற்று முன்னர் தகவல் வெளியாகியுள்ளது.
ஒரு ஹாலிவுட் த்ரில்லர் படத்தின் உச்சக்கட்ட காட்சியை மிஞ்சும் வகையில், தலைநகர் மாஸ்கோவை குறிவைத்து உக்ரைன் ஏவிய 500-க்கும் மேற்பட்ட அதிநவீன ட்ரோன்கள் ரஷ்யாவின் வான் பாதுகாப்பு அரண்களை சுக்குநூறாக உடைத்து உள்நுழைந்துள்ளன. மாஸ்கோவின் இதயப்பகுதியில் இருந்து வெறும் 15 கிலோமீட்டர் தொலைவில் உள்ள ‘காஸ்ப்ரோம் நெப்ட்’ (Gazprom Neft) நிறுவனத்திற்குச் சொந்தமான மாபெரும் எண்ணெய் சுத்திகரிப்பு ஆலையை உக்ரைனிய ட்ரோன்கள் நள்ளிரவில் நேருக்கு நேர் மோதி வெடிக்கச் செய்துள்ளன. மாஸ்கோ பிராந்தியத்தின் ஒட்டுமொத்த எரிபொருள் தேவையில் 38 சதவீதத்தைப் பூர்த்தி செய்யும் இந்த பிரம்மாண்ட ஆலை, அணு வெடிப்பு போல வானுயரத்திற்குப் பற்றி எரிந்ததால், ஒட்டுமொத்த ரஷ்யாவுமே நிலைகுலைந்து போயுள்ளது.
இந்த வரலாறு காணாத வான்வழித் தாக்குதலால் மாஸ்கோவை சுற்றியுள்ள ஜுகோவ்ஸ்கி (Zhukovsky) உள்ளிட்ட முக்கிய குடியிருப்புப் பகுதிகளில் இருந்த அடுக்குமாடி குடியிருப்புகள் மீது ட்ரோன்கள் மோதி பெரும் தீ விபத்துக்கள் ஏற்பட்டன. நிலைமை விபரீதமானதை உணர்ந்த ரஷ்ய ராணுவமும் அவசரக்கால மீட்புப் படைகளும், அந்த நகரங்களில் இருந்த நூற்றுக்கணக்கான பொதுமக்களை நள்ளிரவில் அலறியடித்தபடி வீடுகளை விட்டு வெளியேற்றி, பாதுகாப்பான இடங்களுக்கு அவசரமாக அப்புறப்படுத்தினர். மேலும், ரஷ்யாவின் மிகப்பெரிய சர்வதேச விமான நிலையமான ‘ஷெரெமெட்டியேவோ’ (Sheremetyevo Airport) உட்பட நான்கு முக்கிய விமான நிலையங்கள் உடனடியாக மூடப்பட்டு, பயணிகள் அனைவரும் அவசர அவசரமாக வாகன நிறுத்துமிடங்கள் மற்றும் நிலத்தடி பன்கர்களுக்குள் (Bunkers) கொண்டு செல்லப்பட்டு தஞ்சம் புகவைக்கப்பட்டனர்.
ரஷ்ய அதிபர் விளாடிமிர் புதின் மாஸ்கோவிற்கு கிழக்கே உள்ள கசான் (Kazan) நகரில் ஆசிய தலைவர்களைச் சந்திக்கவிருந்த சில மணிநேரங்களுக்கு முன்பாகவே இந்த அதிர்ச்சித் தாக்குதலை உக்ரைன் அரங்கேற்றியுள்ளது. வான்வெளியில் சீறிப்பாய்ந்த 180-க்கும் மேற்பட்ட ட்ரோன்களை சுட்டு வீழ்த்தியதாக மாஸ்கோ மேயர் செர்ஜி சோபியானின் (Sergei Sobyanin) பதற்றத்துடன் தெரிவித்துள்ளார். உக்ரைன் அதிபர் வோலோடிமிர் ஜெலென்ஸ்கி, அமெரிக்க அதிபர் டொனால்ட் டிரம்ப் மற்றும் பிரான்ஸ் அதிபர் இம்மானுவேல் மேக்ரான் ஆகியோருடன் நடத்திய அவசர இராஜதந்திர பேச்சுவார்த்தைக்குப் பின்னரே, இந்த மிகப்பெரிய திருப்புமுனைத் தாக்குதல் மாஸ்கோவை துவம்சம் செய்து, ரஷ்யாவின் எரிபொருள் முதுகெலும்பை உடைத்துள்ளது என்று சர்வதேச ராணுவ நிபுணர்கள் அதிரடியாகக் குறிப்பிட்டுள்ளனர்.
