இந்தியாவின் அதிக மக்கள்தொகை கொண்ட மாநிலமான உத்தரப் பிரதேசத்தில் ஏற்பட்ட கடுமையான புயலில் நூற்றுக்கும் மேற்பட்டோர் உயிரிழந்துள்ளனர்.
மரங்கள் விழுந்தது, கட்டிடங்கள் இடிந்து விழுந்தது மற்றும் மின்னல் தாக்கியதில் குறைந்தது 119 பேர் உயிரிழந்தனர். 79க்கும் மேற்பட்டோர் காயமடைந்தனர் மற்றும் வீடுகள் சேதமடைந்தன என்று அதிகாரிகள் தெரிவித்தனர்.
சுமார் 12 மாவட்டங்களில் உயிரிழப்புகள் பதிவாகியுள்ளன.
பலத்த காற்றினால் மரங்களும் விளம்பரப் பலகைகளும் வேரோடு சாய்வதை தொலைக்காட்யில் காணொளிகள் காட்டின.
பிரயாக்ராஜ் மாவட்டத்தில், பலத்த காற்று குடியிருப்புப் பகுதிகளைச் சூறையாடியதால் மக்கள் பீதியடைந்ததாக விவரித்தனர். புயல் திடீரென வந்தது, சில நிமிடங்களிலேயே வானம் முற்றிலும் இருண்டுவிட்டது என்று ராம் கிஷோர் ஏபி செய்தி நிறுவனத்திடம் தெரிவித்தார்.
தகரக் கூரைகள் பறந்தன. மக்கள் உள்ளே ஓடினார்கள். மாலை முழுவதும் மரங்கள் விழும் சத்தம் எங்களுக்குக் கேட்டது.
பல மாவட்டங்களில், சாலைகள் மற்றும் தொடருந்துத் தண்டவாளங்களில் விழுந்து கிடந்த மரங்களை அகற்றுவதற்காக, காவல்துறையினரும் பேரிடர் மீட்புக் குழுவினரும் சங்கிலி வாள்களைப் பயன்படுத்தியும், கிரேன்களையும் பயன்படுத்தினர்.
