நவகிரகங்களில் குருபகவான் மிகவும் நேர்மறையான மற்றும் அதிர்ஷ்டத்தைக் கொடுக்கும் கிரகமாகக் கருதப்படுகிறார். அதனால்தான் 'குரு பார்க்க கோடி நன்மை’ என்று கூறுகிறார்கள். ஜோதிட சாஸ்திரத்தில் அனைத்து கிரகங்களின் இயக்கங்களும் முக்கியமானதாகும். குறிப்பாக குருபாகவனின் இயக்கத்தில் ஏற்படும் மாற்றங்கள் மிகவும் மிகவும் முக்கியமானதாகக் கருதப்படுகிறது.
ஜோதிடத்தில் மிகவும் செல்வாக்கு மிக்க கிரகங்களில் ஒன்றாகக் கருதப்படும் குரு பகவான், தற்போது சந்திரனால் ஆளப்படும் கடக ராசிக்குள் நுழையவிருக்கிறார். இந்த ராசி மாற்றம், பொதுவாகவே மிகவும் சுபமானதாகக் கருதப்படும் ஒரு குறிப்பிட்ட ‘யோகத்தை’ உருவாக்கக்கூடும் என்று எதிர்பார்க்கப்படுகிறது. குருபகவான் அதன் உச்ச ராசியான கடகத்தில் நுழையும்போது ஹன்ஸ் ராஜயோகம் உருவாகும்.
இந்த பெயர்ச்சி ஜூன் 2, 2026 அன்று நடைபெறும், மேலும் குருபகவான் அக்டோபர் 31, 2026 வரை கடக ராசியில் நிலைத்திருக்கும். இந்த கிரக மாற்றம் சில ராசிக்காரர்களுக்கு அபரிமிதமான நன்மைகளை அளிக்கப்போகிறது. அவர்கள் எந்தெந்த ராசிக்காரர்கள் என்று இந்த பதிவில் தெரிந்து கொள்ளலாம்.
கடகம்
குருபெயர்ச்சி கடக ராசியின் லக்கினத்தில் நடைபெறுவதால் அவர்கள் அளவிலாத நன்மைகளை அடையப்போகிறார்கள். கடக ராசிக்காரர்கள் இந்த காலத்தில் நினைத்த வேலையை வெற்றிகரமாக முடிக்கலாம், குறிப்பாக காதல் தொடர்பான முயற்சிகள் வெற்றிகரமாக முடிவடையும். நீங்கள் விரும்பும் நபரை நீங்கள் திருமணம் செய்து கொள்ள வாய்ப்புகள் கிடைக்கலாம். திருமணமான தம்பதிகள் மிகவும் மகிழ்ச்சியாக இருப்பார்கள். வேலை தொடர்பான விஷயங்கள் மிக விரைவில் சிறப்பாக இருக்கும்.
வெளிநாட்டில் வேலை தேடுபவர்களுக்கு விரைவில் விசா கிடைக்கும். நீண்ட நாட்களாக வேலையில்லாமல் இருந்தவர்களுக்கு வேலை கிடைக்க வாய்ப்பு உள்ளது. நிதி நெருக்கடிகள் குறைவதற்கு வாய்ப்புள்ளது, கடன்சுமை குறையும். ஆரோக்கியம் மிகவும் சிறப்பாக இருக்கும்.
விருச்சிகம்
விருச்சிக ராசிக்காரர்கள் இந்த குரு பெயர்ச்சியால் சிறப்பான நன்மைகளை அடையப்போகிறார்கள். இந்த காலகட்டத்தில் அவர்கள் அனைத்து முயற்சிகளிலும் வெற்றி மற்றும் நிதி ஆதாயங்களைப் பெறுவார்கள். பணியிடத்தில் எதிர்பார்த்த மாற்றங்களும், ஆதாயங்களும் ஏற்படும். மேலதிகாரிகளின் உதவியால் வாழ்க்கையில் மாற்றங்கள் ஏற்படும்.
வியாபாரத்தில் உங்களின் புதிய அணுகுமுறையால் லாபம் அதிகரிக்கும். பணம் சம்பாதிக்க புதிய வழிகள் தோன்றும். நீங்கள் பொருளாதாரரீதியாக பெரும் முன்னேற்றம் அடையலாம். திருமண வாழ்வில் மகிழ்ச்சியும் ஒத்துழைப்பும் அதிகரிக்கும். ஆரோக்கியம் திருப்திகரமாக இருக்கும். இந்த குருபெயர்ச்சி அவர்களுக்கு 2026-ல் முக்கியமான காலகட்டமாக இருக்கும்.
தனுசு
தனுசு ராசிக்காரர்கள் குருவின் இந்த ராசி மாற்றத்தால் நேர்மறையான பலன்களை அனுபவிக்கப் போகிறார்கள். குறிப்பாக நிதி விஷயங்களில் அதிக நன்மை வந்து சேரப்போகிறது. வியாபாரத்தில் வருமானமும் அதிகரிப்பதற்கான வாய்ப்புகள் உள்ளது. இதன் விளைவாக உங்களின் நிதி இழப்புகளுக்கு முற்றுப்புள்ளி வைக்க முடியும். வருமானம் பெருக, வாழ்க்கையும் பெருகும்.
தொழில்ரீதியாக நீங்கள் எதிர்பார்க்காத பலன்கள் கிடைக்கலாம். மேலும் வியாபாரம் செய்பவர்கள் அதன் மூலம் பல சாதகமான பலன்களைப் பெறலாம். உங்கள் முதலீடுகள் ஆச்சரியமளிக்கும் பலன்களை அளிக்கும். ஏற்றுமதி மற்றும் இறக்குமதியாளர்களுக்கு சாதகமான மாற்றங்கள் ஏற்படலாம். மாணவர்கள் தங்கள் கல்வியில் மிகப்பெரிய வெற்றியை அடையலாம்.
மீனம்
மீன ராசிக்காரர்களுக்கு குருபகவானின் இந்த பெயர்ச்சி மகத்தான நன்மைகளை அளிக்கப்போகிறது. இந்த காலகட்டத்தில் வாகனங்கள், சொத்துக்கள் வாங்கும் வாய்ப்பு உண்டு. குடும்ப உறுப்பினர்களுடனான அவர்களின் உறவு வலுவாக உள்ளது. குடும்ப உறுப்பினர்களிடையே அன்பு மற்றும் ஒற்றுமை அதிகரிக்கும், இது உறவுகளின் வலிமையை அதிகரிக்கிறது. அவர்களின் திட்டங்கள் அனைத்தும் பெரிய பலனைத் தரும்.
வேலையில் இருப்பவர்களுக்கு, இது ஒரு சாதகமான காலம் மற்றும் சில பொறுப்புகள் அல்லது வேலைகள் அவர்களிடம் ஒப்படைக்கப்படும். தொழிலதிபர்கள் இந்த காலகட்டத்தில் அதிக லாபத்தை எதிர்பார்க்கலாம். மீன ராசிக்காரர்களுக்கு இதுவரை இருந்து வந்த தொல்லைகள் அனைத்தும் விலகும் காலமிது.
Disclaimer: இந்தக் கட்டுரையில் குறிப்பிடப்பட்டுள்ள ரத்தினக் கற்களின் நன்மைகள் பாரம்பரிய நம்பிக்கைகள் மற்றும் ஜோதிட நடைமுறைகளை அடிப்படையாகக் கொண்டவை. இதன் முடிவுகள் நபருக்கு நபர் மாறுபடும். ஜோதிட நோக்கங்களுக்காக எந்த ரத்தினக் கல்லையும் அணிவதற்கு முன்பு ஒரு சான்றளிக்கப்பட்ட ஜோதிடர் அல்லது ரத்தின நிபுணரை அணுகுமாறு நாங்கள் பரிந்துரைக்கிறோம். இந்த உள்ளடக்கம் தகவல் நோக்கங்களுக்காக மட்டுமே, மேலும் தொழில்முறை ஆலோசனைக்கு மாற்றாக எடுத்துக்கொள்ள வேண்டாம்.
