மும்பை இந்தியன்ஸின் நட்சத்திர வேகப்பந்து வீச்சாளர் ஜஸ்பிரித் பும்ராவுக்கு, 2026ஆம் ஆண்டு ஐபிஎல் சீசன் சவாலான ஒன்றாக அமைந்தது. தொடரில் 13 போட்டிகளில் பங்கேற்ற அவர், வெறும் நான்கு விக்கெட்டுகளை மட்டுமே கைப்பற்றினார். 10 போட்டிக்கும் மேல் விளையாடி ஒற்றை இலக்க விக்கெட்டுகளுடன் ஒரு சீசனை முடித்திருப்பது, அவரது ஐபிஎல் வரலாற்றில் இதுவே முதல் முறை.
2013-ல் அறிமுகமானதிலிருந்து, பும்ரா மும்பை இந்தியன்ஸின் முதுகெலும்பாகவே திகழ்ந்து வருகிறார். இதுவரை 158 ஐபிஎல் போட்டிகளில் விளையாடி 187 விக்கெட்டுகளை வீழ்த்தி, அதிக விக்கெட்டுகள் எடுத்தவர்கள் பட்டியலில் முன்னணி இடத்தில் உள்ளார். இருப்பினும், நடப்பு சீசனில் அவரது செயல்பாடு எதிர்பார்த்த அளவுக்கு இல்லை.
2015-ல் நான்கு போட்டிகளில் மூன்று விக்கெட்டுகள் எடுத்த பிறகு, 11 ஆண்டுகளில் தற்போதுதான் ஒற்றை இலக்க விக்கெட்டுகளுடன் சீசனை முடித்திருக்கிறார்.2026 ஐபிஎல் சீசனில் அவர் வீசிய 8.36 எகானமி ரேட், அவரது ஐபிஎல் வரலாற்றில் மூன்றாவது மோசமான ஒன்றாகும். மேலும், 10 போட்டிகளுக்கு மேல் விளையாடிய ஒரு சீசனில், இந்த அளவுக்கு அதிக ரன்களை விட்டுக் கொடுத்ததும் இதுவே முதல் முறையாகும்.
ரோகித் சர்மா இன்று 200 ரன்கள் அடித்து எங்களை காப்பற்றனும்.. பஞ்சாப் வீரர் சாஹல் கிண்டல்
இந்த புள்ளிவிவரங்கள் அவரது வழக்கமான ஆட்டத்திறனில் இருந்து சற்று மாறுபட்டுள்ளதையே காட்டுகின்றன.ராஜஸ்தான் ராயல்ஸ் அணிக்கு எதிரான மும்பை இந்தியன்ஸின் கடைசி லீக் ஆட்டத்தில் பும்ரா பங்கேற்கவில்லை. மும்பையின் வான்கடே மைதானத்தில் நடைபெற்ற இந்த மோதலில், பும்ராவுக்கு ஓய்வளிக்கப்பட்டுள்ளதாக டாஸ் போடும்போது கேப்டன் ஹர்திக் பாண்டியா உறுதிப்படுத்தினார்.
"ஜஸ்ஸி ஓய்வெடுத்துக் கொண்டிருக்கிறார், தீபக் அணியில் இருக்கிறார்" என்று களமிறங்க முடிவெடுத்த பிறகு பாண்டியா தெரிவித்தார். பும்ராவுக்குப் பதிலாக ஷர்துல் தாக்கூர் விளையாடினார்.பும்ராவின் இந்த சீசன் செயல்பாடு குறித்து பேசிய மும்பை இந்தியன்ஸின் தலைமைப் பயிற்சியாளர் மஹேலா ஜெயவர்தனே, அதற்குப் பல காரணங்கள் இருப்பதாக சுட்டிக்காட்டினார்.
"உலகக் கோப்பையிலிருந்து திரும்பிய பும்ராவுக்கு ஒரு சிறிய காயம் இருந்தது. உலகக் கோப்பையின்போதும் அந்தக் காயத்துடனேயே அவர் விளையாடினார்" என்று ராஜஸ்தான் அணிக்கு எதிரான போட்டிக்கு முன்னதாக ஜெயவர்தனே குறிப்பிட்டார். "அவர் மீண்டும் முழுத் திறனுடன் விளையாடத் தேவையான ஓய்வை நாங்கள் அளித்தோம். முதல் நான்கு-ஐந்து போட்டிகளில் அவர் காயத்திலிருந்து மீண்டு வருவதற்கான படிப்படியான பயிற்சியில் ஈடுபட்டார்.
IPL 2026: வைபவ் சூர்யவன்ஷி டி20 வரலாற்றில் புதிய சாதனை.. 7 ஆண்டு ரெக்கார்ட் முறியடிப்பு
அதனால்தான் அவரது பந்துவீச்சின் வேகம் சற்று குறைந்ததைக் காண முடிந்தது. இப்போது மீண்டும் அவர் தனது வழக்கமான வேகத்துடன் பந்துவீசுகிறார்" என்றார். கடந்த நான்கு-ஐந்து போட்டிகளில் அவரது ஆட்டம் சிறப்பாக இருந்தது. ஆனால், ஒரு காயத்திலிருந்து மீண்டு வரும்போது, பந்துவீச்சின் துல்லியம் போன்ற நுணுக்கங்களில் கூர்மை குறைவது இயல்பு. இருப்பினும், உடல்நலம் என்று வரும்போது அவர் 100% தயாராக இருக்கிறார். இந்த சீசன் எங்களுக்கு முடிவடைந்தது துரதிர்ஷ்டவசமானது" என்று ஜெயவர்தனே தெரிவித்தார்.
