தென் ஆப்பிரிக்கா மற்றும் நியூசிலாந்து ஆகிய அணிகள் அரையிறுதிக்கு முன்னேறியுள்ள நிலையில், இன்று நடைபெறும் முதல் ஆட்டத்தில் தென் ஆப்பிரிக்காவும் நியூசிலாந்தும் மோதுகின்றன.
2026 டி20 உலகக் கோப்பைத் தொடரின் முதல் அரையிறுதிப் போட்டி கொல்கத்தாவின் புகழ்பெற்ற ஈடன் கார்டன் மைதானத்தில் தற்போது தொடங்கவுள்ளது. லீக் சுற்று மற்றும் சூப்பர் 8 சுற்றுகளில் அபாரமாக விளையாடி இந்தியா, இங்கிலாந்து, தென் ஆப்பிரிக்கா மற்றும் நியூசிலாந்து ஆகிய அணிகள் அரையிறுதிக்கு முன்னேறியுள்ள நிலையில், இன்று நடைபெறும் முதல் ஆட்டத்தில் தென் ஆப்பிரிக்காவும் நியூசிலாந்தும் மோதுகின்றன.
மிகவும் எதிர்பார்க்கப்பட்ட இப்போட்டிக்கான டாஸ் சுண்டப்பட்டதில், நியூசிலாந்து அணி கேப்டன் டாஸ் வென்று முதலில் பந்துவீச்சைத் தேர்வு செய்துள்ளார். இதன்படி, இந்தத் தொடரில் ஒரு போட்டியில் கூடத் தோல்வியடையாமல் பலமான அணியாக வலம் வரும் தென் ஆப்பிரிக்கா முதலில் பேட்டிங் செய்யப் களமிறங்குகிறது. ஈடன் கார்டன் ஆடுகளம் சுழற்பந்து வீச்சுக்குச் சாதகமாக இருக்கும் எனக் கருதப்படுவதால், ஆரம்பக்கட்ட ஓவர்களில் நியூசிலாந்து பந்துவீச்சாளர்கள் தென் ஆப்பிரிக்க பேட்டர்களுக்கு நெருக்கடி கொடுப்பார்கள் என எதிர்பார்க்கப்படுகிறது.
இன்றைய போட்டியில் வெற்றி பெறும் அணி, வரும் மார்ச் 8-ம் தேதி அகமதாபாத்தில் உள்ள நரேந்திர மோடி மைதானத்தில் நடைபெறவுள்ள மாபெரும் இறுதிப் போட்டிக்குத் தகுதி பெறும். மறுபுறம், நாளை மும்பையில் நடைபெறவுள்ள இரண்டாவது அரையிறுதியில் இந்தியாவும் இங்கிலாந்தும் மோதவுள்ளன. இறுதிப்போட்டிக்குச் செல்லும் முதல் அணி எது என்பதைத் தீர்மானிக்கும் இன்றைய ஆட்டம் ரசிகர்களிடையே பெரும் எதிர்பார்ப்பை ஏற்படுத்தியுள்ளது.
