ஐசிசி உலக டெஸ்ட் சாம்பியன்ஷிப் புள்ளிப்பட்டியலில் பாகிஸ்தான் அணிக்கு எட்டு புள்ளிகள் குறைக்கப்பட்டுள்ளது. மிர்பூரில் வங்கதேசத்திற்கு எதிராக நடைபெற்ற முதலாவது டெஸ்டில், நிர்ணயிக்கப்பட்ட நேரத்தை விட எட்டு ஓவர்கள் குறைவாக வீசியதற்காக இந்த புள்ளிக் குறைப்பு மற்றும் போட்டி ஊதியத்தில் 40% அபராதம் விதிக்கப்பட்டுள்ளது. இதன் காரணமாக, பாகிஸ்தான் அணி வெறும் 4 புள்ளிகளுடன் எட்டாவது இடத்திற்குச் சரிந்துள்ளது.
வங்கதேசம் பாகிஸ்தானை 104 ரன்கள் வித்தியாசத்தில் வீழ்த்தி அதிர்ச்சி வெற்றி பெற்றது. இப்போட்டியில் நஜ்முல் ஹொசைன் ஷான்டோ, மோமினுல் ஹக் ஆகியோர் வங்கதேசத்தின் வெற்றியில் முக்கியப் பங்காற்றினர். ஷேர்-இ-பங்ளா மைதானத்தில் பங்களா டைகர்ஸ் அணிக்கு இது ஒரு மறக்க முடியாத வெற்றியாக அமைந்தது.
வங்கதேசம் முதல் இன்னிங்ஸில் 413 ரன்கள் குவித்தது. இதில் ஷான்டோ சதம் விளாச, ஹக் 91 ரன்கள் சேர்த்தார். பாகிஸ்தான் தரப்பில் முகமது அப்பாஸ் 5 விக்கெட்டுகளை வீழ்த்தினார். பின்னர், பாகிஸ்தான் தனது முதல் இன்னிங்ஸில் 386 ரன்கள் எடுத்தது. அங்கு அஸான் அவாய்ஸ் 103 ரன்களும், அப்துல்லா ஃபஸல் 60 ரன்களும் எடுத்தனர்.
வங்கதேசம் சார்பில் மெஹிதி ஹசான் 5 விக்கெட்டுகளைக் கைப்பற்றி முன்னிலை பெற்றுக் கொடுத்தார். இரண்டாம் இன்னிங்ஸில் ஷான்டோ 87 ரன்களும், ஹக் 56 ரன்களும் எடுக்க, வங்கதேசம் 240/9 ரன்களுடன் டிக்ளேர் செய்தது.
MI vs PBKS: இந்த தோல்வியை ஏற்று கொள்ளவே முடியவில்லை.. பிளே ஆப் கடினமாகி விட்டது.. கேப்டன் ஸ்ரேயாஸ்
பாகிஸ்தான் அணிக்கு 163 ரன்கள் மட்டுமே எடுக்க முடிந்தது. வங்கதேச வீரர் நஹித் ரானா, இரண்டாம் இன்னிங்ஸில் 5 விக்கெட்டுகளை வீழ்த்தி, பாகிஸ்தான் அணியை சுருட்டி, வங்கதேச அணிக்கு வெற்றியை உறுதி செய்தார். இதனையடுத்து தொடரை தீர்மானிக்க கூடிய 2வது டெஸ்ட் அபோட்டி நாளை தொடங்குகிறது. இதில் வென்று தொடரை சமன் செய்யும் முயற்சியில் பாகிஸ்தான் களமிறங்கியுள்ளது.
