போலந்து நாட்டில் ரஷ்யாவின் ஆளில்லா விமானம் ஒன்று வெடித்துச் சிதறியுள்ளது.
நேற்றுப் புதன்கிழமை போலந்தில் கிழக்கே உள்ள ஒசினி கிராமத்திற்கு வெளியே உள்ள ஒரு சோள வயலில் எரிந்த உலோகம் மற்றும் பிளாஸ்டிக்கை உள்ளூர் போலீசார் கண்டுபிடித்தனர்.
மீட்கப்பட்ட சிதைவுகள் ரஷ்யாவின் ஆளில்லா விமானம் போன்று தோன்றுவதாகவும் எந்தவொரு உயிரிழப்பும் ஏற்படவில்லை என்று போலந்து அதிகாரிகள் தெரிவித்தனர்.
மீண்டும் ஒருமுறை, ரஷ்யாவின் ஆளில்லா விமானம் மூலம் ஒரு ஆத்திரமூட்டலை நாங்கள் எதிர்கொள்கிறோம் என்று போலந்து பாதுகாப்பு அமைச்சர் விளாடிஸ்லாவ் கோசினியாக்-காமிஸ் கூறினார்.
போலந்து ஊடகங்கள் ட்ரோனின் எச்சங்கள் போல் தோன்றியவற்றின் புகைப்படங்களை வெளியிட்டன, அதில் ஒரு எரிந்த இயந்திரம் மற்றும் ஒரு ப்ரொப்பல்லர் ஆகியவை அடங்கும். இந்த வெடிப்பு 6 மீட்டர் (20 அடி) அகலமுள்ள ஒரு பள்ளத்தை ஏற்படுத்தியது.
போலந்து வெளியுறவு அமைச்சகம், ஆரம்ப கண்டுபிடிப்புகள், அந்த ட்ரோன், உக்ரைனைத் தாக்க பொதுவாகப் பயன்படுத்தப்படும் ஈரானிய வடிவமைப்பான ஷாஹெட் ட்ரோனின் ரஷ்ய தயாரிப்பான பதிப்பு என்பதைக் குறிக்கிறது என்று கூறியது.
அந்த விமானம் ஒரு ஏமாற்று ட்ரோன் அது தன்னைத்தானே அழித்துக்கொள்ளும் தன்மையைக் கொண்டது என்றார்.
