பெருவில் அமேசான் பகுதியல் நிலச்சரிவு: 12 பேர் பலி! 20 பேர் காயம்!

பெருவின் அமேசான் பகுதியில் ஏற்பட்ட நிலச்சரிவில்  குறைந்தது 12 பேர் கொல்லப்பட்டதாகவும், 20 பேர் காயமடைந்ததாகவும் அதிகாரிகள் திங்கள்கிழமை தெரிவித்தனர்.இரண்டு பேரை இன்னும் காணவில்லை என்றும், மீட்பு நடவடிக்கைக்கு உதவ தேசிய காவல்துறை மற்றும் கடற்படை பிரிவுகள் ஹெலிகாப்டர்கள் மூலம் அப்பகுதிக்கு அனுப்பப்பட்டுள்ளதாகவும் உள்ளூர் சுகாதார அதிகாரிகள் தெரிவித்தனர்.தலைநகர் லிமாவிலிருந்து 415 கிலோமீட்டர் (258 மைல்) தொலைவில் உள்ள உகாயாலியின் அமேசான் காடு பகுதியில் உள்ள இபாரியா நதி துறைமுகத்தில் உள்ளூர் நேரப்படி அதிகாலை 4:20 மணியளவில் (10:20 CET) நிலச்சரிவு ஏற்பட்டது , அப்பகுதியில் உள்ள மற்ற நகரங்களுக்குச் சென்று கொண்டிருந்த இரண்டு படகுகள் மோதியது.உயிரிழந்தவர்களில் மூன்று குழந்தைகளும் அடங்குவர்.பெருவின் பாதிக்கும் மேற்பட்ட பகுதி அடர்ந்த காடுகளால் சூழப்பட்டுள்ளது. இதில் அமேசான் படுகையின் பரந்த பகுதியும் அடங்கும்.கடினமான வானிலைக்கு மத்தியிலும் உயிர் பிழைத்தவர்களைக் கண்டுபிடிக்க மீட்புப் பணியாளர்கள் விரைந்து செல்கின்றனர்.ஆற்றில் வேகமாக நீர் பாய்வது மற்றும் சுழல்கள் ஏற்படுவதால் மீட்பு முயற்சிகள் சிக்கலானதாக இருப்பதாக கடற்படை கேப்டன் ஜோனாதன் நோவோவா ஏ.எவ்.பி செய்தி நிறுவனத்திடம் தெரிவித்தார்.