📢 மன்னார் – புத்தளம் வீதி திறப்பு: அதிகாரிகளின் அசமந்தப் போக்கால் மக்கள் அவதி! 🚗🛣️ – Global Tamil News

📢 மன்னார் – புத்தளம் வீதி திறப்பு: அதிகாரிகளின் அசமந்தப் போக்கால் மக்கள் அவதி! 🚗🛣️ மன்னாரில் இருந்து வில்பத்து தேசிய பூங்கா ஊடாக புத்தளம் செல்லும் பிரதான வீதியை மீண்டும் திறப்பதில் நிலவும் இழுபறி நிலை குறித்து மன்னார் மாவட்ட சிவில் அமைப்புகளின் ஒன்றியம் கடும் கண்டனத்தை வெளியிட்டுள்ளது. இன்று சனிக்கிழமை (17) மாலை மன்னாரில் நடைபெற்ற ஊடக சந்திப்பின் போது, இவ்விடயம் தொடர்பாகப் பின்வரும் முக்கிய கோரிக்கைகள் முன்வைக்கப்பட்டன: 📍 கடந்த 2018 ஆம் ஆண்டு முதல் இந்த வீதி மூடப்பட்டுள்ளதால், 90 கிலோமீட்டர் தூரம் கொண்ட பயணத்தை மேற்கொள்ள தற்போது 5 மணித்தியாலங்களுக்கும் மேலாக செலவிட வேண்டியுள்ளது. இந்த வீதி திறக்கப்படுவதன் மூலம் முசலி பிரதேச மக்கள் உட்பட வடபகுதி மக்கள் போக்குவரத்து கெடுபிடிகளில் இருந்து விடுபடுவதுடன், பொருளாதார ரீதியாகவும் நன்மையடைவர். இதேவேளை புத்தளம் – கதிர்காமம் வீதியுடன் ஒப்பிடுகையில், இவ்வீதியில் வனவிலங்குகளின் நடமாட்டம் குறைவாகவே காணப்படுகிறது. எனவே, இது வனவிலங்குகளுக்குப் பாதிப்பை ஏற்படுத்தாது என சுட்டிக்காட்டப்பட்டுள்ளது. ஜனாதிபதி இவ்விடயத்தில் ஆர்வம் காட்டிய போதிலும், உரிய அதிகாரிகளின் மெத்தனப் போக்கினால் வீதி விடுவிப்பு தொடர்ந்து தாமதமாகி வருகின்றது. மக்களின் சிரமங்களை உணர்ந்து, காலதாமதமின்றி இந்த வீதியைத் திறந்து இலகுவான போக்குவரத்து நடைமுறைக்கு வழிவகுக்குமாறு சிவில் அமைப்புகள் ஜனாதிபதிக்கு அவசர கோரிக்கை விடுத்துள்ளன. #Mannar #Puttalam #RoadOpening #Wilpattu #PublicTransport #MannarCivilSociety #SriLankaNews #Infrastructure #TravelEase #JusticeForMannar #RoadSafety