தாய்லாந்தில் ரயிலில் கிரேன் சரிந்து விழுந்ததில் குறைந்தது 32 பேர் உயிரிழந்தனர்

தாய்லாந்தின் வடகிழக்கு பகுதியில் ஓடும் ரயில் மீது கட்டுமான கிரேன் விழுந்ததில் குறைந்தது 32 பேர் கொல்லப்பட்டனர் மற்றும் 66 பேர் காயமடைந்தனர்.கிரேன் ரயிலை தடம் புரட்டி அந்த சில பெட்டிகளை நசுக்கியது. அவற்றில் ஒன்று தீப்பிடித்தது. காயமடைந்தவர்களில் ஒரு வயது குழந்தை மற்றும் 85 வயதுடைய ஒருவர் அடங்குவர். ஏழு பேர் ஆபத்தான நிலையில் உள்ளதாக அதிகாரிகள் தெரிவித்தனர். உள்ளூர் நேரப்படி காலை 9:00 மணிக்கு  இந்த விபத்து நடந்தபோது, ரயிலில் சுமார்171 பயணிகள் இருந்ததாக அதிகாரிகள் தெரிவித்தனர்.இந்த சம்பவம் குறித்து தாய்லாந்து மாநில ரயில்வே விசாரணையைத் தொடங்கியுள்ளது. கிரேனுக்குப் பொறுப்பான கட்டுமான நிறுவனம் மீது சட்ட நடவடிக்கை எடுப்பதாக அறிவித்துள்ளது.இத்தாலியன்-தாய் டெவலப்மென்ட் பப்ளிக் கம்பெனி லிமிடெட் இறந்தவர்கள் அல்லது காயமடைந்தவர்களின் குடும்பங்களுக்கு இழப்பீடு மற்றும் நிவாரணம் வழங்குவதாக வருத்தம் தெரிவித்தது.விபத்து நடந்தபோது, பாங்காக்கிலிருந்து வடகிழக்கு உபோன் ரட்சதானி மாகாணத்திற்கு ரயில் சென்று கொண்டிருந்தது. இந்த ரயில் பெரும்பாலும் பள்ளி மற்றும் வேலைக்காக மற்ற மாவட்டங்களுக்கு பயணிக்கும் மாணவர்களையும் தொழிலாளர்களையும் ஏற்றிச் சென்றது.உள்ளூர் செய்தி ஊடகமான தி நேஷன், ரயிலின் மீது விழுந்த ஒரு பெரிய பகுதியை கிரேன் தூக்கும் போது இந்த சம்பவம் நிகழ்ந்ததாக தெரிவிக்கப்பட்டுள்ளது. இதனால் பல பெட்டிகள் தடம் புரண்டன.