🚨யாழில் கஞ்சா கடத்தல்: முச்சக்கர வண்டி சாரதி அதிரடி கைது! 🚔 – Global Tamil News

யாழ்ப்பாணம், வடமராட்சி கிழக்கு பகுதியில் முச்சக்கர வண்டியில் கேரளா கஞ்சாவை கடத்திச் சென்ற இளைஞர் ஒருவர் காவற்துறை  விசேட அதிரடிப் படையினரால் கைது செய்யப்பட்டுள்ளார். சம்பவம் குறித்து தெரியவருவதாவது: 📍 நேற்று வெள்ளிக்கிழமை (09.01.26), வடமராட்சி கிழக்கு செம்பியன்பற்று பகுதியில் காவற்துறை  விசேட அதிரடிப் படையினர் திடீர் வீதி சோதனை நடவடிக்கைகளில் ஈடுபட்டிருந்தனர். இதன்போது அந்த வழியாக வந்த முச்சக்கர வண்டி ஒன்றை மறித்து சோதனை செய்தபோது, அதில் மறைத்து வைக்கப்பட்டிருந்த சுமார் 2 கிலோ கிராம் கேரளா கஞ்சா பொதி மீட்கப்பட்டது. மேலதிக நடவடிக்கைகள்: ⚖️ கைது செய்யப்பட்ட இளைஞன், கடத்தலுக்கு பயன்படுத்தப்பட்ட முச்சக்கர வண்டி மற்றும் மீட்கப்பட்ட கஞ்சா ஆகியன மேலதிக சட்ட நடவடிக்கைகளுக்காக மருதங்கேணி காவற்துறையினரிடம் ஒப்படைக்கப்பட்டுள்ளன. இச்சம்பவம் குறித்து மருதங்கேணி காவற்துறையினர் மேலதிக விசாரணைகளை முன்னெடுத்து வருகின்றனர். போதைப்பொருள் ஒழிப்பு நடவடிக்கைகளை பொலிஸார் தீவிரப்படுத்தியுள்ள நிலையில் இந்த கைது நடவடிக்கை இடம்பெற்றுள்ளது. #Jaffna #Vadamarachchi #DrugBust #KeralaGanja #PoliceAction #SriLankaPolice #CrimeNews #NorthernProvince #DrugFreeSociety #JaffnaNews #யாழ்ப்பாணம் #மருதங்கேணி #கஞ்சா_வேட்டை