கட்டுநாயக்க விமான நிலையத்தில் பிடிபட்ட போதைப்பொருள் கடத்தல்   – Global Tamil News

கட்டுநாயக்க விமான நிலையத்தில் இன்று (ஜனவரி 02, 2026) மேற்கொள்ளப்பட்ட விசேட சோதனையின் போது, சுமார் 34.19 மில்லியன் ரூபாய் பெறுமதியான ‘குஷ்’ (Kush) போதைப்பொருளுடன் இந்தியப் பிரஜை ஒருவர் கைது செய்யப்பட்டுள்ளார். பாங்கொக்கிலிருந்து இலங்கை வந்த பயணி ஒருவரின் நடவடிக்கையில் சந்தேகமடைந்த சுங்க அதிகாரிகள், அவரது பயணப் பொதியைச் சோதனை செய்தபோது இந்தப் போதைப்பொருள் கண்டுபிடிக்கப்பட்டது. கைப்பற்றப்பட்டது   3 கிலோகிராம் மற்றும் 419 கிராம் எடையுள்ள ‘குஷ்’ ரக போதைப்பொருளாகும். இதன் மதிப்பு 3 கோடியே 41 லட்சத்து 90 ஆயிரம் ரூபாய் (Rs. 34.19 Million) ஆகும் . 35 வயதுடைய இந்தியப் பிரஜை ஒருவரே கைது செய்யப்பட்டுள்ளார். சந்தேகநபர் தனது பயணப் பொதியில் (Suitcase) மிகவும் இரகசியமான முறையில் இந்தப் போதைப்பொருட்களை மறைத்து வைத்து கடத்த முயன்றுள்ளார்.  இவர் தாய்லாந்து, பாங்கொக்கிலிருந்து ஸ்ரீலங்கன் ஏர்லைன்ஸ் (SriLankan Airlines) விமானம் மூலம் இலங்கை வந்துள்ளார். கைது செய்யப்பட்ட சந்தேகநபரும், கைப்பற்றப்பட்ட போதைப்பொருட்களும் மேலதிக விசாரணைகளுக்காக காவல்துறை போதைப்பொருள் ஒழிப்புப் பிரிவிடம் (PNB) ஒப்படைக்கப்பட்டுள்ளது. இந்தப் போதைப்பொருட்கள் இலங்கையில் யாருக்கு விநியோகம் செய்யப்படவிருந்தது என்பது குறித்துத் தீவிர விசாரணை நடைபெற்று வருகிறது.