📢 சிறுமி டினோஜாவின் மரணத்திற்கு நீதி கோரி முல்லைத்தீவில் பாரிய மக்கள் போராட்டம்! – Global Tamil News

📢 சிறுமி டினோஜாவின் மரணத்திற்கு நீதி கோரி முல்லைத்தீவில் பாரிய மக்கள் போராட்டம்! முல்லைத்தீவு – சிலாவத்தை பகுதியைச் சேர்ந்த குகநேசன் டினோஜா என்ற சிறுமி, அண்மையில் முல்லைத்தீவு மாவட்ட மருத்துவமனையில் அனுமதிக்கப்பட்டிருந்த நிலையில் சந்தேகத்திற்கிடமான முறையில் உயிரிழந்தார். இச்சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது. இந்நிலையில், உயிரிழந்த சிறுமியின் மரணத்திற்கு உரிய நீதி கோரி, இன்று திங்கட்கிழமை (29.12.25) முல்லைத்தீவு மாவட்ட மருத்துவமனை நுழைவாயிலை முற்றுகையிட்டு பொதுமக்கள் மற்றும் உறவினர்கள் பெருந்திரளாக ஒன்றிணைந்து கவனயீர்ப்பு ஆர்ப்பாட்டத்தில் ஈடுபட்டனர். முக்கிய நிகழ்வுகள்: நீதி வேண்டிய குரல்கள்: “சிறுமி டினோஜாவின் மரணத்திற்கு நீதி வேண்டும்” போன்ற கோரிக்கைகள் அடங்கிய பதாகைகளை ஏந்தியவாறு மக்கள் தமது எதிர்ப்பை வெளிப்படுத்தினர். நேரடி விசாரணை: வைத்தியசாலை பணிப்பாளரை போராட்ட இடத்திற்கு வரவழைத்த மக்கள், சிறுமியின் மரணம் குறித்து சரமாரியான கேள்விகளை எழுப்பியதோடு, உண்மையான காரணம் கண்டறியப்பட்டு நீதி வழங்கப்பட வேண்டும் என வலியுறுத்தினர். மகஜர் கையளிப்பு: இந்தச் சந்தேகத்திற்கிடமான மரணம் தொடர்பில் பக்கச்சார்பற்ற விசாரணை நடத்தக் கோரி வன்னி மாவட்ட நாடாளுமன்ற உறுப்பினர்களான கௌரவ துரைராசா ரவிகரன், கௌரவ செல்வம் அடைக்கலநாதன் மற்றும் வைத்தியசாலைப் பணிப்பாளர் ஆகியோரிடம் மகஜர்கள் கையளிக்கப்பட்டன. பாதிக்கப்பட்ட குடும்பத்திற்கு நீதி கிடைக்க வேண்டும் என்பதில் மக்கள் உறுதியாக உள்ளனர். #Mullaithivu #JusticeForDinoja #Protest #MedicalNegligence #Justice #MullaithivuHospital #SriLanka #Vanni #Silavattai #PublicProtest #HumanRights