மன்னாரில் வறிய மாணவர்களுக்கு கற்றல் உபகரணங்கள் வழங்கி வைப்பு: இராணுவத்தின் 54 ஆவது காலாட்படை பிரிவு முன்னெடுப்பு! – Global Tamil News

மன்னார் பகுதியில் கல்வி கற்கும் வசதி குறைந்த மாணவர்களின் எதிர்கால நலனைக் கருத்தில் கொண்டு, அவர்களுக்குத் தேவையான பாடசாலை கற்றல் உபகரணங்களை வழங்கும் விசேட நிகழ்வு நேற்றைய தினம் (22) மாலை மன்னார் நகர சபை மண்டபத்தில் வெகுவிமரிசையாக நடைபெற்றது. யார் பயனடைந்தனர்? இராணுவத்தின் 54 ஆவது காலாட்படை பிரிவினால் ஏற்பாடு செய்யப்பட்ட இந்நிழ்வில்: சாந்திபுரம் ஆரம்ப பாடசாலை மாணவர்கள் மன்னார் அலாவுதீன் பாடசாலை மாணவர்கள் மன்னார் நகர சபை துப்புரவுப் பணியாளர்களின் பிள்ளைகள் என தெரிவு செய்யப்பட்ட 150 மாணவர்களுக்கு கற்றல் உபகரணத் தொகுதிகள் வழங்கி வைக்கப்பட்டன. அத்துடன் பாடசாலைகளுக்கான விசேட அன்பளிப்புக்கள் அதிபர்களிடம் கையளிக்கப்பட்டன. கலந்துகொண்ட விருந்தினர்கள்: இந்நிகழ்வில் 54 ஆவது காலாட்படை கட்டளைத் தளபதி மேஜர் ஜெனரல் சந்திர அபயகோன், 543 வது காலாட்படை பிரிவின் தளபதி மூத்த அதிகாரி றமித்து ஹசந்த, சமூக சேவையாளர்களான வைத்திய கலாநிதி ஜினஞ்சலாசாணிக்கா விஜே குணசேகர மற்றும் அவரது மகள் வைத்திய கலாநிதி தெருசி தில்ஹாரா பெரேரா, மன்னார் நகர முதல்வர் டானியல் வசந்தன் உள்ளிட்ட முக்கியஸ்தர்கள் கலந்துகொண்டு சிறப்பித்தனர். மாணவர்களின் கல்வித் தரத்தை உயர்த்துவதையும், அவர்களுக்கான ஊக்கத்தை வழங்குவதையும் நோக்கமாகக் கொண்டு இந்த மனிதாபிமான உதவித் திட்டம் முன்னெடுக்கப்பட்டது. #Mannar #EducationSupport #SriLankaArmy #CommunityService #HelpingHands #StudentWelfare #MannarNews #SocialResponsibility #SriLanka #மன்னார் #கல்வி #மாணவர்நலம் #இராணுவம்