கருத்துச் சுதந்திரம் ஒடுக்கப்படுவதற்கான கடும் அபாயமா?

அரசை பயங்கரவாதத்திலிருந்து பாதுகாப்பதற்கான சட்ட மசோதா’ மூலம் கருத்துச் சுதந்திரம் ஒடுக்கப்படுவதற்கான கடும் அபாயமானதென யாழ்.ஊடக அமையம் குற்றஞ்சாட்டியுள்ளது.சனநாயகத்தின் அடிப்படைக் கொள்கைகள் சவாலுக்கு உட்படுத்தும் அடக்குமுறைச் சட்டங்கள் கொண்டு வரப்படுவதற்கு இணை சமூக ஊடக வெளியீட்டுக்கான கூட்டு  (CSMD) கடும் எதிர்ப்பு தெரிவித்துள்ளது.தேசிய மக்கள் சக்தி அரசாங்கம் (NPP) புதியதாக அறிமுகப்படுத்த முயற்சிக்கும் ‘அரசை பயங்கரவாதத்திலிருந்து பாதுகாப்பதற்கான சட்ட மசோதா’ தொடர்பாக எழுந்துள்ள ஆரம்ப பிரதிசெயல்கள் கவனிக்கும்போது, இது குடிமக்களின் அடிப்படை மனித உரிமை ஆகும். கருத்து சுதந்திரம் உட்பட உரிமைகள் கடுமையாக ஒடுக்கப்படும் கருவியாக மாறும் கடும் அபாயம் இருப்பதை நாங்கள் சுட்டிக்காட்டுகிறோம்.‘பயங்கரவாதம்’ என்ற சொல் தெளிவற்ற வகையில் வரையறுக்கப்பட்டுள்ளது: சட்ட மசோதாவில் பயங்கரவாதம் என்பதற்கு வழங்கப்பட்ட வரையறை மிகவும் விரிவாகவும் தெளிவற்றதாகவும் உள்ளது. அரசாங்க நடவடிக்கைகள் மீது விமர்சனம் செய்வது, அமைதியான எதிர்ப்புகளில் ஈடுபடுவது அல்லது ஆட்சி அதிகாரிகளுக்கு விருப்பமற்ற/ விரோதமான கருத்துகளை வெளியிடுவதக்கூட “அரசுக்கு எதிராக மக்களை தூண்டுவது” அல்லது “தேசிய பாதுகாப்பிற்கு அச்சுறுத்தலாகும்” செயல்களாக விளக்கப்பட வாய்ப்பு உள்ளது.ஊடகவியலாளர்கள் மற்றும் சிவில் செயல்பாட்டாளர்களை இலக்காக்குதல்: தகவல் அறிக்கை செய்வதிலும், பொதுமக்கள் கருத்தை உருவாக்குவதிலும் ஊடகவியலாளர்கள் மற்றும் சமூக ஊடக பயனாளர்கள் இந்த சட்டத்தின் கீழ் கடும் அழுத்தத்திற்கு உள்ளாகலாம். “பயங்கரவாதத்திற்கு ஆதரவளித்தல்” என்ற குறிப்பு கீழ் எந்தவொரு விமர்சனமான செய்தியையும் சட்டத்தின் வலையில் அகற்ற அதிகாரிகளுக்கு வாய்ப்பு இருப்பதால் ஊடகச் சுதந்திரம் ஒடுக்கப்படுவதுடன், “சுய கட்டுப்பாட்டு விளைவு” ஆட்சி செய்யும் காலம் உருவாகும்.தன்னிச்சையான கைது மற்றும் தடுத்துவைப்பு: ஒரு கருத்தை வெளியிட்டதற்கோ அல்லது அரசுக்கு எதிரான கருத்தை கொண்டதற்கோ நீண்ட காலம் நபர்களை தடுத்துவைக்க முடியும் என்பதன் மூலம் குடிமக்களின் குரல் ஒடுக்கப்படுவதற்கான அடக்குமுறை ஆயுதமாக இது பயன்படுத்தப்படும். இது பயத்தை அடிப்படையாகக் கொண்ட குரலற்ற சமூகம் உருவாக்கும் முயற்சியாக நாங்கள் நம்புகிறோம்.இணையவழி பரப்பல் மற்றும் தனியுரிமை மீறப்படுதல்: இணையம் மற்றும் இணையவழி பரப்பலில் தொடர்பாடலை கடுமையாக கண்காணிக்கவும் கட்டுப்படுத்தவும் சட்டம் வழங்கும் அதிகாரங்களால், தனிநபர்களின் தொடர்பாடல் உரிமை இழக்கப்படுகின்றது.மேலும் அது சனநாயக உரையாடல் நடைபெறுவதற்கான இடத்தை முற்றிலும் ஒடுக்குகிறது.எனவே, தேசிய பாதுகாப்பு என்பது கருத்து சுதந்திரம் உட்பட சனநாயக மதிப்பீடுகளை அழிக்க பயன்படுத்தும் ‘வெற்று காசோலை’ ஆக இருக்கக் கூடாது. எனவே, சர்வதேச மனித உரிமை தரநிலைகள் உட்பட குடிமக்களின் குரலை ஒடுக்கும் இந்த சட்ட மசோதாவை உடனடியாக வாபஸ் பெறுமாறு தேசிய மக்கள் சக்தி அரசாங்கத்திற்கு கடுமையாக முறையிடுகின்றோம்.கருத்து சுதந்திரத்தை ஒடுக்குவதால் தேசிய பாதுகாப்பு உறுதி செய்ய முடியாது என்றும், அதனால் சமூகம் நிலையற்ற, ஒரே ஆட்சி நிலைமைக்கு வழிவகுக்கும் என்று யாழ்.ஊடக அமையம் குற்றஞ்சாட்டியுள்ளது.