நல்லூர் பிரதேச சபைக்குட்பட்ட உணவகங்கள், விருந்தகங்கள், விடுதிகள் மற்றும் திருமண மண்டபங்களின் உரிமையாளர்களுக்கான அதிரடி அறிவிப்பை சபை தவிசாளர் ப. மயூரன் வெளியிட்டுள்ளார். சுகாதாரம் மற்றும் கழிவு முகாமைத்துவத்தை மேம்படுத்தும் நோக்கில், உரிமையாளர்களுடன் கலந்துரையாடிய பின்னர் இந்த முக்கிய நடைமுறைகள் வெளியிடப்பட்டுள்ளன. 🛑 ஜனவரி 1, 2026 முதல் லஞ்சீற் பாவனைக்கு முற்றாகத் தடை! மிகவும் முக்கியமான இந்த அறிவிப்பின்படி, 01.01.2026 ஆம் திகதி முதல் உணவுகள் பரிமாற்றத்திற்கு லஞ்சீற் (Lunch Sheet) பயன்படுத்துவது நல்லூர் பிரதேச சபை எல்லைக்குள் முழுமையாகத் தடை செய்யப்படுகிறது. ✅ அமுலுக்கு வரும் முக்கிய நடைமுறைகள்: லஞ்சீற் தடை: 01.01.2026 ஆம் திகதி முதல் உணவுப் பரிமாற்றத்தின் போது லஞ்சீற் பாவனை முற்றாகத் தடைசெய்யப்படுகிறது. கட்டணக் கழிவகற்றல் பதிவு: உணவகங்கள் உள்ளிட்ட அனைத்து வர்த்தகங்களும் உடனடியாகக் கட்டணக் கழிவகற்றல் முறைமையின் கீழ் பதிவு செய்ய வேண்டும். தவறினால் வியாபார உரிமம் இரத்து செய்யப்படும். பதிவு காலக்கெடு: இதுவரை பதிவு செய்யப்படாத அனைத்து வர்த்தகங்களும் 31.12.2025 ஆம் திகதிக்கு முன்னர் கட்டாயம் பதிவு செய்ய வேண்டும். இல்லையேல் சட்ட நடவடிக்கை எடுக்கப்படும். சுகாதார நடைமுறைகள்: உணவுகளைத் தயாரித்தல், கையாளுதல் ஆகியவற்றில் உரிய சுகாதார நடைமுறைகளைப் பின்பற்ற வேண்டும். வாகன நிறுத்துமிடம்: திருமண மண்டபங்களில் நடைபெறும் நிகழ்வுகளுக்கு வருவோரின் வாகனங்களை பொதுப் போக்குவரத்துக்கு இடையூறு ஏற்படாதவாறு நிறுத்துவதற்குரிய ஒழுங்குகளை மண்டப உரிமையாளர்கள் ஏற்படுத்தி கண்காணிக்க வேண்டும். விடுதிகளுக்கான அறிவுறுத்தல்: விடுதி உரிமையாளர்கள், தங்கியிருக்கும் மாணவர்களுக்குக் கழிவகற்றல் பற்றி அறிவுறுத்தி, தரம்பிரித்த கழிவுத் தொட்டிகளை வைக்க வேண்டும். ⚠️ மீறினால் நடவடிக்கை உறுதி! இந்த அறிவுறுத்தல்கள் சுகாதார பரிசோதகர்கள் மற்றும் இறைவரிப் பரிசோதகர்களால் தொடர்ச்சியாக கண்காணிக்கப்படும். விதிகளை மீறிச் செயற்படும் வர்த்தகங்களின் உரிமங்கள் இரத்து செய்யப்படுவதுடன் உரிய சட்ட நடவடிக்கைகளும் மேற்கொள்ளப்படும் எனத் தவிசாளர் எச்சரித்துள்ளார். #நல்லூர் #யாழ்ப்பாணம் #சுற்றுச்சூழல் #லஞ்சீட்தடை #சுகாதாரம் #NallurPS #Jaffna நல்லூர் பிரதேச சபையின் இந்த முயற்சி குறித்து உங்கள் கருத்து என்ன?
📣 நல்லூர் பிரதேச சபையின் புதிய விதிகள் அமுல்! 💥 – Global Tamil News
3
