இலங்கையில் உயிரிழப்பு 193 ஆக உயர்வு: 228 பேரைக் காணவில்லை!!

இலங்கையில் டிட்வா சூறாவளியால் உயிரிழந்தவர்களின் எண்ணிக்கை 193 ஆக உயர்ந்துள்ளது. அத்துடுன் 228 பேரைக் காணவில்லை எனத் தேசிய பேரிடர் மேலாண்மை மையம் அறிவித்துள்ளது.1,094 தங்குமிடங்கள் அமைக்கப்பட்டு அதில் 41,005 குடும்பங்கள் உட்பட 147,931 பேர் தங்க வைக்கப்பட்டுள்ளனர் என்று மையம் தெரிவித்துள்ளது.பதுளை மாவட்டத்தில் 71 பேர் உயிரிழந்துள்ளனர். கண்டியில்  52 பேர் உயிரிழந்துள்ளனர்.மாத்தளையில் 20 பேர் உயிரிழந்துள்ளனர்.குருநாகலில் 15 பேர்  உயிரிழந்துள்ளனர்.அதிகபட்சமாக கண்டி மாவட்டத்தில் 105 பேர் காணாமல் போயுள்ளனர். பதுளையில் 53 பேர் காணாமல் போயுள்ளனர்.கேகாலையில் 24 பேர் காணாமல் போயுள்ளனர் என்று மையம் தெரிவித்துள்ளது.25 மாவட்டங்களில் 266,114 குடும்பங்களைச் சேர்ந்த 968,304 பேர் பாதிக்கப்பட்டுள்ளதாகவும் மையம் உறுதிப்படுத்தியுள்ளது.டிட்வா சூறாவளி தற்போது நாட்டை விட்டு வெளியேறி தென்னிந்தியாவை நோக்கி நகர்ந்துள்ளது.சூறாவளி தென்னிந்தியாவை நோக்கி நகர்ந்துள்ளது. எனினும் அதன் தாக்கம் காரணமாக மேலும் மழை பெய்யும் என்று வானிலை ஆய்வு மையம் தெரிவித்துள்ளது.