வட இந்தியாவில் உள்ள ஒரு பிரபலமான இந்து கோவிலில் ஏற்பட்ட கூட்ட நெரிசலில் குறைந்தது ஆறு பேர் உயிரிழந்ததாக அதிகாரிகள் இன்று ஞாயிற்றுக்கிழமை தெரிவித்தனர்.

உத்தரகண்ட் மாநிலத்தின் வடக்கு நகரமான ஹரித்வாரில் உள்ள மானசா தேவி கோவிலில் இந்த சம்பவம் நடந்தது. இது நாட்டின் தலைநகரான புது தில்லியில் இருந்து சுமார் 5 மணி நேர பயண தூரத்தில் உள்ளது.

உள்ளூர் நேரப்படி காலை 8.30 மணியளவில் ஒரு உயர் மின்னழுத்த மின்சார கம்பி கோயில் பாதையில் அறுந்து விழுந்ததைத் தொடர்ந்து நெரிசல் தொடங்கியதாகக் கூறப்படுகிறது. இது ஏராளமான பக்தர்கள் மத்தியில் பீதியைத் ஏற்படுத்தியது.

இந்த நெரிசல் ஒரு வதந்தியால் தூண்டப்பட்டிருக்கலாம் என்று அதிகாரிகள் நம்புவதாக டைம்ஸ் ஆஃப் இந்தியா செய்தி வெளியிட்டுள்ளது.

இந்த கூட்ட நொிசரில் ஆறு பேர் கொல்லப்பட்டதாகவும், 10க்கும் மேற்பட்டோர் காயமடைந்ததாகவும் ஹரித்வார் காவல்துறை அதிகாரி பர்மேந்திர தோபல் ஏ.எப்.பி செய்தி நிறுவனத்திடம் தெரிவித்தார்.

உள்ளூர் அதிகாரிகளை மேற்கோள் காட்டி, டைம்ஸ் ஆஃப் இந்தியா காயமடைந்தவர்களின் எண்ணிக்கையை 34 என்று தெரிவித்துள்ளது.

உத்தரகண்ட் மாநிலத்தின் மூத்த அரசு அதிகாரியான வினய் சங்கர் பாண்டே, இந்த சம்பவத்தைத் தொடர்ந்து பக்தர்கள் பாதுகாப்பிற்காக எவ்வாறு போராடினார்கள் என்பதை நினைவு கூர்ந்தார்.

காயமடைந்தவர்கள் உள்ளூர் மருத்துவமனைக்கு கொண்டு செல்லப்பட்டுள்ளதாக இந்திய செய்தி நிறுவனம் ஏஎன்ஐ தெரிவித்துள்ளது.

பாதிக்கப்பட்டவர்களுக்கும் அவர்களது குடும்பத்தினருக்கும் இந்தியப் பிரதமர் நரேந்திர மோடி சமூக ஊடகப் பதிவில் தனது இரங்கலைத் தெரிவித்துள்ளார்.

இந்துக்களுக்கு ஹரித்வாரின் முக்கியத்துவம் என்ன?

இந்து பக்தர்களுக்கு, குறிப்பாக வார இறுதி நாட்கள் மற்றும் பண்டிகை நாட்களில், முக்கிய தலமான மலை உச்சி கோவிலில் ஆயிரக்கணக்கான யாத்ரீகர்கள் கூடியிருந்ததாக உள்ளூர் அதிகாரிகள் தெரிவித்தனர்.

ஹரித்வார் ஒரு பழங்கால நகரம் மற்றும் புனித இடமாகக் கருதப்படுகிறது. கங்கை நதி இமயமலை அடிவாரத்தில் இருந்து வெளியேறும் இடத்தில் அமைந்துள்ளது.   

இந்தியாவில் கூட்ட நெரிசல் மற்றும் உயிரிழப்புகள் ஏற்படுவது வழக்கமான ஒன்று.

ஜனவரி மாதம் நடைபெற்ற மகா கும்பமேளாவில், பல்லாயிரக்கணக்கான மக்கள் புனித நீரில் நீராட வந்தபோது, குறைந்தது 30 பேர் இறந்தனர்.

ஜூன் மாதத்தில், கடலோர மாநிலமான ஒடிசாவில் நடந்த ஒரு இந்து திருவிழாவில் திடீரென கூட்டம் அதிகரித்ததால் ஏற்பட்ட கூட்ட நெரிசலில் குறைந்தது மூன்று பேர் கொல்லப்பட்டனர் மற்றும் பலர் காயமடைந்தனர்.

ஜூன் மாதத்தில், இந்தியன் பிரீமியர் லீக் கிரிக்கெட்டில் ராயல் சேலஞ்சர்ஸ் பெங்களூரு அணியின் வெற்றியைக் கொண்டாடும் போது ஏற்பட்ட கூட்ட நெரிசலில் 11 பேர் கொல்லப்பட்டனர் மற்றும் டஜன் கணக்கானவர்கள் காயமடைந்தனர்.

மே மாதம், மேற்கு மாநிலமான கோவாவில் ஆயிரக்கணக்கானோர் பிரபலமான தீ மிதித்தல் நிகழ்விற்காகக் கூடியபோது ஆறு பேர் நசுங்கி இறந்தனர்.