ஈரான் சமீபத்திய மாதங்களில் செறிவூட்டப்பட்ட யுரேனியம் உற்பத்தியை அதிகரித்துள்ளது என்று ஐ.நா.வின் சர்வதேச அணுசக்தி நிறுவனம் (IAEA)  ஒரு அறிக்கையில் தெரிவித்துள்ளது.

தெஹ்ரானின் அணுசக்தி திட்டத்தைக் குறைப்பதற்கும், அணு ஆயுதங்களைப் பெறுவதைத் தடுப்பதற்கும் ஈரானுக்கும் அமெரிக்காவிற்கும் இடையிலான பேச்சுவார்த்தைகளுக்கு இடையே இந்த செய்தி வந்துள்ளது.

மே 17 ஆம் திகதி நிலவரப்படி, மதிப்பிடப்பட்ட 408.6 கிலோகிராம் யுரேனியம் (சுமார் 900 பவுண்டுகள்) செறிவூட்டப்பட்டதாக ஐ.நா.வின் சர்வதேச அணுசக்தி நிறுவனம் காலாண்டு அறிக்கை தனது கடுமையான கவலையை வெளிப்படுத்தியது. இது பெப்ரவரியில் முந்தைய அறிக்கையிலிருந்து 133.8 கிலோகிராம் அதிகரிப்பைக் குறிக்கிறது.

கோட்பாட்டளவில், 60% செறிவூட்டப்பட்ட யுரேனியத்தின் கிட்டதட்ட 42 கிலோகிராம், அதை 90% ஆக மேலும் செறிவூட்டினால், ஒரு அணுகுண்டை உற்பத்தி செய்ய போதுமானது.

ஈரான் பல அணு குண்டுகளை தயாரிக்கத் தேர்வுசெய்தால், அது அவ்வாறு செய்ய முடியும் என்று ஐ.நா.வின் சர்வதேச அணுசக்தி நிறுவனம் தலைவர் மேட்டியோ க்ரோஸி முன்பு கூறியிருந்தார்.

ஈரான் அணு ஆயுதங்களை வாங்கும் நோக்கத்தை பலமுறை மறுத்துள்ளது. ஆனால் வேறு எந்த அணுசக்தி அல்லாத நாடும் யுரேனியத்தை 60% ஆக வளப்படுத்தவில்லை என்று ஐ.நா.வின் சர்வதேச அணுசக்தி நிறுவனம் சுட்டிக்காட்டியுள்ளது.