காங்கோ ஜனநாயகக் குடியரசின் (DRC) நாடுகடத்தப்பட்ட முன்னாள் ஜனாதிபதி ஜோசப் கபிலா, 2023 ஆண்டுக்கு பின்னர் முதல் முறையாக நேற்று வியாழக்கிழமை பொதுவில் தோன்றினார்.

நாட்டின் கிழக்குப் பகுதியில் பொதுமக்களைப் படுகொலை செய்ததாகக் குற்றம் சாட்டப்பட்ட கிளர்ச்சியாளர்களுக்கு ஆதரவளித்ததற்காக மனிதகுலத்திற்கு எதிரான குற்றங்களில் ஈடுபட்டதாக சந்தேகத்தின் பேரில் தேடப்படும் குற்றவாளியாக ஜோசப் கபிலா இருந்தார். கிளர்ச்சியாளர்களின் கட்டுப்பாட்டில் உள்ள பகுதியில் உள்ளூர் மதத் தலைவர்களைச் சந்திக்கத் தோன்றினார். இது அமைதியை நிலைநாட்டும் முயற்சியாகக் கூறப்பட்டது.

வழக்குத் தொடரப்படும் அச்சுறுத்தலுக்கு அப்பால் , காங்கோவில் உள்ள அதிகாரிகள் கபிலாவின் மறுகட்டமைப்பு மற்றும் ஜனநாயகத்திற்கான மக்கள் கட்சியை (PPRD) தடை செய்ய முயல்வதோடு, அதன் தலைவர்கள் வைத்திருக்கும் சொத்துக்களையும் பறிமுதல் செய்ய முயல்கின்றனர்.

ஜனவரி முதல் M23 கிளர்ச்சியாளர்கள் பெரும் பிராந்திய வெற்றிகளைப் பெற்றுள்ள ஒரு தொடர்ச்சியான மோதலுக்கு தீர்வு காண உதவுவதற்காக கபிலா பல வாரங்களாகத் திரும்பி வருவதாகக் கூறி வருகிறார். நாடுகடத்தலின் பின்னர் தென்னாப்பிரிக்காவில் பெரும்பகுதியைக் கழித்த கபிலா M23 கிளர்ச்சியாளர்களுடனான தொடர்பை மறுத்துள்ளார்.

நேற்று வியாழக்கிழமை கிழக்கு காங்கோவின் கோமாவுக்கு வெளியே உள்ள முன்னாள் ஜனாதிபதியின் இல்லத்தில் கபிலாவை சந்தித்தார் ஒரு மதக் குழுவான அமைதி மற்றும் மத்தியஸ்தத்திற்கான சர்வதேச சினெர்ஜியின் தலைவர் அமுரானி ஆவார்.

முன்னாள் ஜனாதிபதியான ஜோசப் கபிலா நாட்டின் கிழக்குப் பகுதியிலும் நாடு முழுவதும் அமைதி திரும்புவதைக் காண தனது விருப்பத்தைத் தெரிவிக்க எங்களை அழைத்தார் என்று அமுரானி கூறினார். 

வெள்ளிக்கிழமை அரசியல், இராணுவ மற்றும் குடிமைத் தலைவர்களுடன் மேலும் பேச்சுவார்த்தைகள் நடத்தப்படும் என்று கபிலாவின் உதவியாளர் ஒருவர் தெரிவித்தார்.

கிளர்ச்சியாளர்களின் கட்டுப்பாட்டில் உள்ள பகுதியில் எவ்வளவு காலம் தங்கியிருப்பேன் என்பது குறித்து கபிலா எந்தக் குறிப்பையும் கொடுக்கவில்லை. 

கிளர்ச்சியாளர்கள் முன்னேறிய பிறகு திடீரென மீண்டும் தோன்றியதன் விளைவாக, ருவாண்டா ஜனாதிபதி பால் ககாமேவுடன் சேர்ந்து கபிலா தன்னை கிளர்ச்சித் தலைவராக நிலைநிறுத்திக் கொண்டதாக காங்கோ ஜனாதிபதி பெலிக்ஸ் சிசெகெடியின் அரசாங்கம் இந்த வாரம் குற்றம் சாட்டியது.

காங்கோ படைகளுடன் போராடும் M23 கிளர்ச்சியாளர்களுக்கு ஆயுதங்கள் மற்றும் உதவிகளை ருவாண்டா வழங்குவதாக ஐக்கிய நாடுகள் சபையும் பிற மேற்கத்திய நாடுகளும் குற்றம் சாட்டுகின்றன.