ஹமாஸை தோற்கடித்து, காசாவில் மீதமுள்ள பணயக்கைதிகளை விடுவிப்பதை நோக்கமாகக் கொண்ட ஒரு பெரிய தாக்குதலைத் தொடங்குவதாக இஸ்ரேல் இராணுவம் அறிவித்துள்ளது.

இஸ்ரேலிய பாதுகாப்புப் படைகள் அதன் ஹீப்ரு எக்ஸ் கணக்கில், அந்தப் பகுதியின் மூலோபாயப் பகுதிகளை கைப்பற்ற ”ஆபரேஷன் கிதியோன் ரதங்கள்” துருப்புக்களை அணிதிரட்டியதாகக் கூறியது.

“கிதியோன் ரதங்கள்” – ஒரு பைபிள் போர்வீரனைக் குறிக்கும்.

ஹமாஸ் இனி ஒரு அச்சுறுத்தலாக இல்லாமல், நமது பணயக்கைதிகள் அனைவரும் வீட்டிற்குள் திரும்பும் வரை அது செயல்படுவதை நிறுத்தாது என்றும், 24 மணி நேரத்தில் காசா பகுதி முழுவதும் 150க்கும் மேற்பட்ட பயங்கரவாத இலக்குகளைத் தாக்கியது” என்றும் அது கூறியது.

போர் நிறுத்தப் பேச்சுவார்த்தைகளை மீண்டும் தொடங்கவும், அதன் முற்றுகையை முடிவுக்குக் கொண்டுவரவும் சர்வதேச அழுத்தம் அதிகரித்து வரும் போதிலும், இஸ்ரேல் தனது குண்டுவீச்சை தீவிரப்படுத்தியுள்ளது மற்றும் எல்லையில் கவசப் படைகளைக் கட்டமைத்துள்ளது. இந்த நடவடிக்கை தொடங்கப்பட்டதிலிருந்து அனைத்து முயற்சிகளும் தோல்வியடைந்துவிட்டன என்பது தெளிவாகிறது.

ஆனால் இஸ்ரேலிய இராணுவம் அதன் ஆங்கில மொழி  எக்ஸ் கணக்கில் இதே போன்ற இடுகைகளில் செயல்பாட்டுப் பெயரைப் பயன்படுத்தவில்லை.

நேற்று முன்தினம் வியாழக்கிழமை இஸ்ரேலிய தாக்குதல்களில் சுமார் 250 பேர் கொல்லப்பட்டுள்ளதாக ஹமாஸ் நடத்தும் சிவில் பாதுகாப்பு மற்றும் சுகாதார அமைச்சக அதிகாரிகள் தெரிவிக்கின்றனர்.

இரண்டு மாத போர் நிறுத்தம் முறிந்ததை அடுத்து, மார்ச் மாதம் இஸ்ரேல் அந்தப் பகுதியில் உதவித் தடையை விதித்தது. அமெரிக்க ஜனாதிபதி டொனால்ட் டிரம்ப் வெள்ளிக்கிழமை காசாவில் நிறைய மக்கள் பட்டினியால் வாடுகிறார்கள் என்று கூறினார்.