யேர்மனியின் ஸ்ருட்கார்ட் நகரில் மக்கள் கூட்டத்திற்குள் மகிழுந்து ஒன்று மோதியதில் ஒருவர் கொல்லப்பட்டார். மேலும் எட்டுப் பேர் காயமடைந்தனர். அவர்களில் மூவர் படுகாயமடைந்தனர் என செய்திகள் வெளியாகியுள்ளன.
இச்சம்பவம் நேற்று வெள்ளிக்கிழமை நடந்தது. இந்த சம்பவம் வேண்டுமென்றே நடத்தப்பட்டதா அல்லது தாக்குதலா என்பதற்கான எந்த அறிகுறியும் இல்லை என்று காவல்துறையினர் தெரிவித்தனர்.
முதற்கட்ட விசாரணைக்குப் பின்னர் இது ஒரு துயரமான போக்குவரத்து விபத்து என்று தாங்கள் நம்புவதாக ஸ்டட்கார்ட் காவல்துறையினர் தெரிவித்தனர்.
ஒரு மெட்ரோ நிறுத்தத்தில் மக்கள் காத்திருந்தபோது, ஒரு மெர்சிடிஸ் ஜி-கிளாஸ் சொகுசு எஸ்யூவி மூலையில் வந்து கூட்டத்திற்குள் நுழைந்தது.
இந்த விபத்தில் எட்டு பேர் காயமடைந்தனர், அவர்களில் மூன்று பேர் பலத்த காயமடைந்தனர்.
சம்பவ இடத்திலேயே ஒருவருக்கு உயிர்காக்கும் சிகிற்சை வழங்கப்பட்டது. எனினும் 46 வயதுடைய ஒரு பெண் பின்னர் மருத்துவமனையில் சிகிச்சை பலனின்றி இறந்தார்.
வாகனத்தின் ஓட்டுநருக்கு 42 வயது என்றும் அவருக்கு காயங்கள் எதுவும் இன்றி கைது செய்யப்பட்டார் என்று காவல்துறையினர் தெரிவி்த்தனர்.
காவல்துறையினர் விசாரணைகளை ஆரம்பித்துள்ளனர்.