நியூசிலாந்தில் நிலவும் பலத்த காற்றுடன் கூடிய வானிலை காரணமாக, அந்நாட்டில் பல விமானங்கள் இரத்து செய்யப்பட்டுள்ளன.

நாட்டின் தலைநகரான வெலிங்டனிலும் பல பள்ளிகள் மூடப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

கடந்த பத்தாண்டுகளில் வெலிங்டனைத் தாக்கிய மிக மோசமான காற்று இதுவாகும். மேலும் சில பகுதிகளுக்கு ஏற்கனவே அவசரநிலை அறிவிக்கப்பட்டுள்ளது.

அதே நேரத்தில் 24 மணி நேர கனமழைக்குப் பிறகு தெற்கு தீவின் சில பகுதிகளில் அவசரநிலை அறிவிக்கப்பட்டது.

வெலிங்டனில் சராசரி காற்றின் வேகம் மணிக்கு 87 கிலோமீட்டர்  வேகத்தை எட்டியது. இது 2013 க்குப் பின்னர் மிகவும் வலிமையானது. அதே நேரத்தில் தலைநகரின் தெற்கே கடலோர பேரிங் ஹெட்டில் காற்று மணிக்கு 160 கிலோமீட்டரைத் தொட்டதாக அரசாங்க முன்னறிவிப்பாளர் தெரிவித்தார்.