சமாதான நீதவான்களால் பிறப்புச் சான்றிதழ்களை சான்றளிப்பதில் ஏற்பட்ட சிக்கல்கள் மற்றும் அரசியலமைப்பின் 7வது அட்டவணையின் கீழ் எடுக்கப்பட்ட சத்தியப்பிரமாணம் காரணமாக நிராகரிக்கப்பட்ட பல வேட்புமனுக்களை மீண்டும் ஏற்றுக்கொள்ளுமாறு மேல்முறையீட்டு நீதிமன்றம் சம்பந்தப்பட்ட தேர்தல் அதிகாரிகளுக்கு உத்தரவிட்டுள்ளது.

அதன்படி, நிராகரிக்கப்பட்ட கிட்டத்தட்ட 35 வேட்புமனுக்களை இன்று (10) மீண்டும் ஏற்றுக்கொள்ள நீதிமன்றம் உத்தரவிட்டுள்ளது.

தொடர்புடைய வேட்புமனுக்கள் நிராகரிக்கப்பட்டதற்கு எதிராக அரசியல் கட்சிகள் மற்றும் சுயாதீன குழுக்களால் தாக்கல் செய்யப்பட்ட பல மனுக்கள் இன்று காலை மேன்முறையீட்டு நீதிமன்றத்தின் பதில் தலைவர் நீதிபதி முகமது லாபர் தாஹிர் மற்றும் பிரியந்த பெர்னாண்டோ ஆகியோர் அடங்கிய நீதிபதிகள் குழாம் முன் விசாரணைக்கு எடுத்துக்கொள்ளப்பட்ட போதே இந்த உத்தரவு பிறப்பிக்கப்பட்டது.