மலேசியாவின் அரசு எரிசக்தி நிறுவனமான பெட்ரோனாஸால் இயக்கப்படும் எரிவாயு குழாயில் இன்று செவ்வாய்க்கிழமை ஏற்பட்ட தீ விபத்தில் ஏராளமானோர் காயமடைந்துள்ளதாக தீயணைப்புத் துறை தெரிவித்துள்ளது.

100 பேர் வரையில் காயமடைந்துள்ளதாக செய்தி நிறுவனங்கள் தெரிவிக்கின்றன. கிட்டத்தட்ட 60 பேருக்கு தீக்காயங்கள் ஏற்பட்டதாக ரொய்ட்டர்ஸ் மற்றும் ஏ.எஃப்.பி இரண்டும் தெரிவிக்கின்றன. சுவாசிப்பதில் சிரமம் அல்லது பிற காயங்களுக்காகவும் மக்கள் மருத்துவமனையில் அனுமதிக்கப்பட்டுள்ளதாக தெரிவித்துள்ளன.

தலைநகர் கோலாலம்பூருக்கு அருகில் இந்த சம்பவம் நிகழ்ந்தது. இதனால் ஏராளமான மக்கள் தங்கள் வீடுகளை விட்டு வெளியேற வேண்டிய கட்டாயம் ஏற்பட்டது.

இந்த தீ விபத்தில் குறைந்தது 49 வீடுகள் சேதமடைந்ததாக தீயணைப்பு வீரர்கள் தெரிவித்தனர்.

தீ விபத்து 500 மீட்டர் (1,600 அடி) நீளமுள்ள எரிவாயு குழாய் கசிவால் ஏற்பட்டது. பாதிக்கப்பட்ட குழாய்வழிக்கான வால்வு மூடப்பட்டுள்ளதாக அந்த அறிக்கையில் தெரிவிக்கப்பட்டுள்ளது.

பல கிலோமீட்டர் (மைல்கள்) வரை தீ தெரிந்ததாக நேரில் பார்த்தவர்கள் தெரிவித்தனர்.

தீ விபத்துக்குப் பிறகு ஏழு குடியிருப்பாளர்கள் தங்கள் வீடுகளில் இருந்து மீட்கப்பட்டதாக அந்த அறிக்கையில் தெரிவிக்கப்பட்டுள்ளது.

சிலாங்கூர் பேரிடர் மேலாண்மைக் குழுவின் தலைவர் முகமட் நஜ்வான் ஹலிமி, மாநில செய்தி நிறுவனமான பெர்னாமாவிடம், கம்போங் கோலா சுங்கை பாரு கிராமத்தில் வீடுகளில் மக்கள் சிக்கியுள்ளதாகவும், மீட்புப் பணிகள் தொடர்ந்து நடைபெற்று வருவதாகவும் தெரிவித்தார்.