மலையாள திரைப்படங்களின் மூலம் அறிமுகமான சம்யுக்தா மேனன், தனது திறமை மற்றும் அர்ப்பணிப்பின் மூலம் குறுகிய காலத்திலேயே பல மொழிகளில் நடித்து வருகிறார்.
தென்னிந்திய திரைப்பட உலகில் தனக்கென தனி இடத்தைப் பெற்றுள்ள நடிகை சம்யுக்தா மேனன் சமீபத்தில் கலந்து கொண்ட ஒரு நிகழ்ச்சியில் பேசிய கருத்துகள் ரசிகர்களின் கவனத்தை ஈர்த்துள்ளன.
மலையாள திரைப்படங்களின் மூலம் அறிமுகமான அவர், தனது திறமை மற்றும் அர்ப்பணிப்பின் மூலம் குறுகிய காலத்திலேயே பல மொழிகளில் நடித்து வருகிறார். இளம் வயதிலேயே தென்னிந்திய சினிமாவில் முன்னணி நடிகைகளில் ஒருவராக உயர்ந்து வரும் சம்யுக்தா, கதைத்தேர்வில் கவனமாக இருப்பதற்காகவும் அறியப்படுகிறார்.
நிகழ்ச்சியில் பேசிய அவர், “இளம் ரசிகர்களின் இதயங்களை வெல்வதே என் இலக்கு. அதைக் கருத்தில் கொண்டுதான் படங்களை தேர்வு செய்கிறேன். இந்த மனநிலை பெரும்பாலான நடிகைகளுக்கும் இருக்கும் என்று நினைக்கிறேன்,” என்றார்.
மேலும், “என்னைப் பொறுத்தவரை அதிக படங்களில் நடிக்க வேண்டும் என்பது என் நோக்கம் அல்ல. நான் நடிக்கும் ஒவ்வொரு படத்திலும் என் தனித்துவமான தடத்தை பதிக்க வேண்டும் என்பதே முக்கியம். விரைவில் தமிழ் படங்களிலும் தோன்றுவேன்,” என்று அவர் தெரிவித்தார்.
தனது தரமான கதைத்தேர்வு மற்றும் உறுதியான நோக்கத்தால் ரசிகர்களிடையே நல்ல எதிர்பார்ப்பை உருவாக்கியுள்ள சம்யுக்தா மேனனின் அடுத்தடுத்த திரைப்படங்கள் குறித்து ரசிகர்கள் ஆவலுடன் காத்திருக்கின்றனர்.
