பெங்களூரு: ராயல் சேலஞ்சர்ஸ் பெங்களூரு அணி 2026 ஐபிஎல் கோப்பையை வென்று, இரண்டாவது முறையாக இணைய உலகை அதிரவைத்தது. இச்சாதனையைக் கொண்டாட சச்சின் டெண்டுல்கர், விஜய் மல்லையா போன்ற பிரபலங்களும் ரசிகர்களும் திரண்டனர். மே 31, 2026 அன்று அகமதாபாத்தில் உள்ள நரேந்திர மோடி ஸ்டேடியத்தில் குஜராத் டைட்டன்ஸை வீழ்த்தி RCB இப்பெருமை மிக்க வெற்றியைப் பெற்றது.
நடப்பு சாம்பியனான RCB, இம்முறை அதிரடி சாம்பியனாக முழுமையான ஆட்டத்தை வெளிப்படுத்தியது. முதலில் பேட் செய்த குஜராத் டைட்டன்ஸ் அணியின் ஷுப்மன் கில், சாய் சுதர்சன் முறையே ஜோஷ் ஹேசில்வுட், புவனேஷ்வர் குமார் பந்துவீச்சில் ஆட்டமிழக்க, பவர்ப்ளே முடிவில் GT 45/2 ஆக தடுமாறியது. நடுவரிசை பேட்ஸ்மேன்களும் ரன் சேர்க்கத் தவறினர்.
ரசிக் சலாம் தார் முக்கிய விக்கெட்டுகளை வீழ்த்தி குஜராத்தின் பேட்டிங் வரிசையை சிதைத்தார். வாஷிங்டன் சுந்தர் ஆட்டமிழக்காமல் அரைசதம் அடித்த போதிலும், குஜராத் டைட்டன்ஸ் அணி தனது இன்னிங்ஸை 155/8 என்ற குறைவான ஸ்கோருடன் முடித்துக் கொண்டது. இது RCBக்கு எளிதான இலக்காக அமைந்தது.
IPL 2026: ஆர்சிபி கோப்பையை வென்றதற்கு காரணம்.. இடையில் எங்களுக்கு ஒரு சிக்கல் வந்தது- விராட் கோலி
இலக்கை துரத்திய ராயல் சேலஞ்சர்ஸ் பெங்களூரு, விராட் கோலி மற்றும் வெங்கடேஷ் ஐயரின் (ககிசோ ரபாடா போன்ற வேகப்பந்துவீச்சாளர்களை இலக்காகக் கொண்டு) அதிரடியான தொடக்கத்துடன் களமிறங்கினர். இவர்கள் ஐந்து ஓவர்களுக்குள் 62 ரன்கள் சேர்த்து வலுவான அடித்தளம் அமைத்தனர். பவர்ப்ளேயில் 70 ரன்கள் குவித்த போதும், ஐயர், தேவ்தத் படிக்கல், கேப்டன் ரஜத் பட்டிதார், க்ருணால் பாண்டியா அடுத்தடுத்து ஆட்டமிழக்க, அணி 91/4 ஆனது.
பின்னர் விராட் கோலி நிலைத்து நின்று அதிரடி அரைசதம் அடித்து அணியின் ரன் சேர்ப்பை முன்னெடுத்தார். டிம் டேவிட் 24 ரன்கள் அடித்து அவருக்கு முக்கிய ஆதரவை வழங்கினார். ஒரு சர்ச்சைக்குரிய கேட்ச் மறுபரிசீலனைக்குப் பிறகு தப்பிய கோலி, சிக்ஸர் அடித்து வெற்றியை உறுதி செய்தார். 42 பந்துகளில் 75 ரன்களுடன் அவர் ஆட்டமிழக்காமல் இருந்தார். RCB 18 ஓவர்களில் இலக்கை எட்டி பட்டத்தை தக்கவைத்தது.
IPL 2026: சாம்பியன் பட்டம் வென்ற ஆர்சிபிக்கு பரிசுத்தொகை எவ்வளவு? மற்ற அணிகளுக்கும் ஆறுதல் பரிசு
RCB சாம்பியன் பட்டம் வென்றதையடுத்து, இணையத்தில் ரசிகர்கள் மற்றும் பிரபலங்களின் வாழ்த்து மழைகள் பொழிந்தன. இர்ஃபான் பதான் தனது வாழ்த்துச் செய்தியில், "RCB RCB. சிங்கம் ரத்தத்தை ரூசி பார்த்துவிட்டது, இனி விடாது சாம்பியன் 👏" என்று தனது மகிழ்ச்சியை ட்விட்டரில் பதிவிட்டார்.
சச்சின் டெண்டுல்கர் தனது வாழ்த்தில், "@RCBTweets அணிக்கு தொடர்ச்சியான @IPL பட்டங்களை வென்றதற்கு வாழ்த்துக்கள். விளையாட்டில் உள்ள சவால்களில் ஒன்று, வெற்றி நீங்கள் பதிலளிக்க வேண்டிய கேள்விகளை மாற்றுகிறது. இந்த சீசனில் RCB அந்த சவாலை சிறப்பாகச் சந்தித்தது. இது ஒரு அபார சாதனை!" என்று பாராட்டினார்.
முன்னாள் உரிமையாளர் விஜய் மல்லையா, "RCB RCB….டபுள் பேக்-டு-பேக் ஐபிஎல் சாம்பியன்களுக்கு வாழ்த்துக்கள். உரக்க கர்ஜித்து எங்களை பெருமைப்படுத்தினர். மிகச் சிறப்பாகச் செய்தீர்கள், அருமை" என்று பதிவிட்டு மகிழ்ந்தார்.
சுரேஷ் ரெய்னா, ""ஒருமுறை வென்றதே மிக அருமை, இப்போது இரண்டு முறை செய்து காட்டிவிட்டார்கள். 'அதிரடி சாம்பியன்' ஆர்சிபி (RCB) அணியின் என்னவொரு அற்புதமான பயணம்! கிட்டத்தட்ட ஒரு குறைவில்லாத தொடர், கோப்பை இப்போது கேப்டன் ரஜத் பட்டிதாரின் சரியான கைகளில் உள்ளது. அந்த சிறப்பான ஆட்டத்திற்காக விராட் கோலிக்கு தனிப்பாராட்டுக்கள். முக்கிய தருணங்களில் அங்கே 'கிங்' கோலி கம்பீரமாக நின்று வென்றார் என பாராட்டினார்.
IPL 2026: 5 பைனலில் களமிறங்கி 5-லும் வெற்றி..ஒவ்வொரு கோப்பையும் என் குழந்தை போன்றது-குர்னல் பாண்டியா
சென்னை சூப்பர் கிங்ஸ் வெளியிட்ட வாழ்த்து செய்தியில் "தொடர்ச்சியாக வெற்றி பெறுவது எப்போதும் சிறப்பு. 🏆🏆@RCBTweets அணிக்கு வாழ்த்துக்கள், எங்கள் கிளப்புக்கு வரவேற்கிறோம் 💛#IPL2026" என்று பதிவிட்டது. ஃபாப் டு பிளெஸ்ஸி (@faf1307) மற்றும் இயன் ரஃபேல் பிஷப் (@irbishi) போன்றோரும் RCBயின் இந்த இரட்டை ஐபிஎல் பட்ட வெற்றியைப் பாராட்டி வாழ்த்தினர்.
