ஐபிஎல் 2026 தொடரில் பவர்பிளே ஓவர்களில் அதிக விக்கெட்டுகளை வீழ்த்திய இந்திய பந்துவீச்சாளர்களில், புவனேஷ்வர் குமார் புதிய சாதனைப் படைத்துள்ளார். ராயல் சேலஞ்சர்ஸ் பெங்களூரு அணிக்காக அபாரமாக பந்துவீசி வரும் அவர், நடப்பு ஐபிஎல் இறுதிப்போட்டியின் போது இந்தச் சாதனையை எட்டினார்.
போட்டியில் தனது 17-வது விக்கெட்டை வீழ்த்தியதன் மூலம், ஐபிஎல் தொடர் ஒன்றில் பவர்பிளேவில் அதிக விக்கெட்டுகளை வீழ்த்திய முகமது ஷமியின் சாதனையை அவர் சமன் செய்தார். ஐபிஎல் 2023 தொடரில் குஜராத் டைட்டன்ஸ் அணிக்காக ஷமி பவர்பிளேவில் 17 விக்கெட்டுகளை கைப்பற்றி இருந்தார். புவனேஷ்வர், குஜராத் டைட்டன்ஸ் அணிக்கு எதிரான ஆட்டத்தின் நான்காவது ஓவரின் நான்காவது பந்தில் சாய் சுதர்சனை வீழ்த்தி இந்த மைல்கல்லை எட்டினார்.
ஐபிஎல் வரலாற்றில் ஒரு சீசனில் பவர்பிளேவில் அதிக விக்கெட்டுகளை வீழ்த்திய பந்துவீச்சாளர் என்ற சாதனையை தென்னாப்பிரிக்க நட்சத்திர வீரர் ககிசோ ரபாடா தன்வசப்படுத்தியுள்ளார். குஜராத் டைட்டன்ஸ் அணிக்காக விளையாடி வரும் ரபாடா, நடப்பு ஐபிஎல் 2026 தொடரில் பவர்பிளே ஓவர்களில் மட்டும் 19 விக்கெட்டுகளை வீழ்த்தி முதலிடத்தில் இருக்கிறார்.
IPL 2026 Final: ஆர்சிபிக்கு ஆரம்பமே வெற்றி.. குஜராத் கேப்டன் சுப்மன் கில் காலி.. சோலி முடிஞ்சிது?
நடப்பு ஐபிஎல் 2026 தொடரில் புவனேஷ்வர் குமார் இதுவரை 27 விக்கெட்டுகளை வீழ்த்தி அசத்தியுள்ளார். பர்பிள் கேப் பட்டியலில் ரபாடாவிற்கு அடுத்தபடியாக இரண்டாம் இடத்தில் இருக்கிறார். அவர் ஒரே ஒரு விக்கெட்டை எடுத்தால் ரபாடாவின் 28 விக்கெட்டுகளை சமன் செய்வார். ஆனால் அந்த வாய்ப்பு அவருக்கு கிடைக்கவில்லை.
IPL 2026: 700 ரன்கள் மேல் அடித்து என்ன யூஸ்.. பைனலில் காலை வாரிய சாய் சுதர்சன்.. குஜராத் அம்பேல்
இந்த சீசனில் புவனேஷ்வர் பர்பிள் கேப் வென்றிருந்தால்,, ஐபிஎல் வரலாற்றில் மூன்று முறை இந்தப் பெருமையைப் பெறும் முதல் பந்துவீச்சாளர் என்ற சாதனையைப் படைத்திருப்பார். முன்னதாக, சன்ரைசர்ஸ் ஹைதராபாத் அணிக்காக 2016-ல் 23 விக்கெட்டுகளையும், 2017-ல் 26 விக்கெட்டுகளையும் கைப்பற்றி பர்பிள் கேப்பைப் பெற்றுள்ளார்.
